İran İslam Respublikası Xarici İşlər Nazirliyinin sözçüsü Nasir Kənani NATO-nun Vaşinqtonda keçirilən sammitinin bəyanatının bir hissəsinə reaksiya verərək deyib: İran İslam Respublikası Vaşinqtonda keçirilən NATO sammitinin yekun bəyanatında İranın Ukrayna müharibəsində Rusiyaya hərbi yardım göstərməsi ilə bağlı iddianı tamamilə əsassız hesab edir və siyasi məqsədlər güddüyünü bildirir və onu qəbuledilməz sayır.
Kənani əlavə edib: Təəssüf ki, Ukraynada şahidi olduğumuz şey ABŞ-ın yönləndirməsilə NATO-nun təxribatçı siyasət və hərəkətlərinin nəticəsidir və hələ də davam edir.
Diplomatik xidmətin sözçüsü deyib: Dəfələrlə qeyd etdiyimiz kimi, Ukraynadakı müharibəni İran İslam Respublikası və Rusiya arasında ikitərəfli əməkdaşlığa bağlamaq cəhdi sırf qərəzli siyasi motivlərlə, müdaxiləni qanuniləşdirmək və Qərbin Ukraynaya silah yardımını davam etdirmək məqsədi ilə həyata keçirilir.
Sizin rəyiniz