Rusiya və İran arasında qaz nəqli müqaviləsinin yeni təfərrüatları - İran regionun qaz təmini qütbünə çevrilir

Cavad Ovci bu gün (17 iyul, çərşənbə) Prezidentin səlahiyyətlərini icra edən Məhəmməd Müxbirin sədrliyi ilə keçirilən hökumət kollegiyasının iclasında Rusiyadan İrana qazın ötürülməsinə dair saziş sənədinin imzalanmasına toxunaraq, şəhid Prezidentin bu sənədi imzalamaq üçün göstərdiyi zəhməti və səyi yüksək qiymətləndirərək deyib: “Hazırda ölkədə 23 neft emalı zavodunun ümumi şirin qaz hasilatı sutkada təqribən 850 milyon kubmetr təşkil edir. Bu layihənin reallaşması ilə hər gün Rusiyadan ölkəyə 300 milyon kubmetr qaz daxil olacaq. Bu kəmərin çəkiliş xərclərini də Rusiya öz üzərinə götürüb və Rusiya dənizin dibində boru kəmərlərinin çəkilməsi sahəsində texnologiyaya sahibdir.”

Bu ötürmə xəttinin həyata keçirilməsi ilə ölkədaxili qazın dayanıqlı təchizatı ilə yanaşı, ölkənin qaz ixracının imkanlarının və dayanıqlığının da heyrətamiz şəkildə artacağını bildirən Neft naziri deyib: “İran ərazisindən şimaldan cənuba qaz tranzit xəttinin çəkilməsi İran tarixində misli görünməmiş çox böyük hadisədir və onun ildə 10-12 milyard dollar maliyyə əməliyyatı olacaq.”