Amerika və 4 Avropa ölkəsi İsrailin təcavüzünə susdu, indi İranın cavab verməməsini istəyirlər

Fələstinin “Səma” xəbər agentliyinin məlumatına görə, Fələstinin Azadlığı uğrunda Xalq Cəbhəsi çərşənbə axşamı verdiyi bəyanatda vurğulayıb: “ABŞ, İngiltərə, Fransa, Almaniya və İtaliyanın bəyanatı və İranın (qisas) hücumuna qarşı işğalçı rejimi müdafiə etməyi vurğulaması ikiüzlülük, hiylə və ikili standartlardan xəbər verir.”
Bəyanatda əlavə olunub: “Bu bir neçə ölkə elə bir vəziyyətdə mövqe bildirirlər ki, HƏMAS-ın Siyasi Ofisinin rəhbəri İsmayıl Həniyyənin terror edilməsinə, İranın suverenliyinin pozulmasına, Qəzzə zolağında hərbi cinayətlərə göz yumublar və sükut ediblər.”
Fələstinin Azadlığı uğrunda Xalq Cəbhəsi bəyanatının digər hissəsində bildirib: “Biz Qərbdəki azad insanları yalnız artan təcavüzə və gərginliyə səbəb olan kor-koranə tərəfdarlığı dayandırmaq üçün hökumətlərinə təzyiq göstərməyə çağırırıq.”
ABŞ və dörd Avropa ölkəsinin başçıları bazar ertəsi gecə saatlarında birgə bəyanatla çıxış edərək, İranı sionist rejimə qarşı mümkün cavab hücumundan geri çəkilməyə çağırıblar, İranın hücumuna və bölgədəki müqavimət qruplarına qarşı sionist rejimi dəstəklədiklərini açıqlayıblar.