Kənani: Qəzzədə məzlum Fələstin xalqının vəhşicəsinə soyqırımının davam etməsini qətiyyətlə pisləyirik

Xarici İşlər Nazirliyinin mətbuat katibi Nasir Kənani sosial şəbəkədəki şəxsi səhifəsində yazıb: “Avqustun 21-i sionistlərin dünyada müsəlmanların ilk qibləsi olan Məscidül-Əqsanı yandırması cinayətinin ildönümüdür. Bu gün İran İslam Respublikasının təklifi ilə İslam Əməkdaşlıq Təşkilatı tərəfindən “Beynəlxalq Məscidlər Günü” adlandırılıb. Beynəlxalq Məscidlər Günündə sionist rejimin Məscidül-Əqsaya dəfələrlə hücumlarını, o cümlədən məzlum Fələstin xalqına qarşı vəhşicəsinə soyqırımı davam etdirməsini və sionistlərin Qəzzə zolağında geniş və dəhşətli dağıntılar törətməsini qətiyyətlə pisləyirik, bir daha dünyanı bu aparteid rejiminə qarşı əməli, təcili və təsirli tədbirlər görməyə çağırırıq.”