Əsir mübadiləsinin dördüncü mərhələsi çərçivəsində bir müddət əvvəl sionist rejimin Ofer həbsxanasından bir neçə fələstinli əsir azad edilib.
Ofer həbsxanasından azad edilən fələstinli əsirləri daşıyan avtobuslar İordan çayının qərb sahilinin Ramallah şəhərinin Beytunya qəsəbəsinə daxil olub və insanlar tərəfindən coşqu ilə qarşılanıb.
Yayımlanan videolarda Beytunya qəsəbəsində fələstinlilərin əsirləri geniş şəkildə qarşılaması əks olunub.
Fələstinli Əsirlərin İşləri üzrə İnformasiya Ofisi cümə günü axşam saatlarında bu barədə məlumat yayaraq, sionist rejimin HƏMAS ilə atəşkəs razılaşması çərçivəsində mübadilələrin dördüncü mərhələsində 183 fələstinli əsiri azad edəcəyini bildirmişdi.
Bəzi məlumatlara görə, bu fələstinli əsirlərdən 110 nəfəri Qəzzə zolağına köçürüləcək.
HƏMAS-ın hərbi qanadı İzzəddin Əl-Qəssam Briqadaları bir neçə saat əvvəl iki sionist əsir Ofer Kalderon və Jordan Bibası Qəzzə zolağının cənubundakı Xan Yunis şəhərində əsir mübadiləsinin dördüncü mərhələsində Beynəlxalq Qızıl Xaç Komitəsinin nümayəndələrinə təhvil verib.
Sizin rəyiniz