Fələstin Müqavimət Komitələri yaydığı bəyanatda vurğulayıb: “Biz sionistlərin İbrahimi məscidində vəqf səlahiyyətinin sionist bir quruma verilməsi cinayətini pisləyirik.”
“Düşmənin İbrahimi məscidinin xüsusiyyətlərini dəyişməyə, onu yəhudilərin ibadət yerinə, sinaqoquna çevirməyə haqqı yoxdur; bu yer yalnız müsəlmanlar üçündür”, bəyanatda əlavə olunur.
Müqavimət komitələri vurğulayıb: “Bütün müsəlmanları İbrahimi məscidini sionistlərin təhqir və manipulyasiyasından xilas etmək üçün təcili tədbirlər görməyə çağırırıq.”
Bu bəyanat sionist rejim səlahiyyətlilərinin Əl-Xəlil şəhərindəki İbrahimi məscidinin rəhbərliyinə məscidin idarəçiliyinin Fələstinin Vəqflər Nazirliyindən çıxarılaraq İsrailin mülki planlaşdırma təşkilatı adlanan qurumun nəzarətinə keçməsi barədə məlumat verməsindən sonra yayılıb.
İslami Cihad və HƏMAS hərəkatları da ayrı-ayrı bəyanatlar yayaraq, sionist rejimin İbrahimi məscidi üzərində səlahiyyətin sionist rejimə verilməsini tənqid edib və onu yəhudiləşdirmə cəhdini kəskin şəkildə pisləyiblər.
Sizin rəyiniz