Bəqai İran-ABŞ danışıqlarının son statusu ilə bağlı bəzi Qərb mediasının xəbərlərinə reaksiya verib

Bəqai müzakirə olunan mövzularla bağlı deyib: “Əvvəllər dəfələrlə deyildiyi kimi, İran və ABŞ arasında yeganə müzakirə mövzusu nüvə məsələsi və sanksiyaların ləğvidir və bu danışıqlarda başqa heç bir mövzu müzakirə olunmayıb və müzakirə olunmur”.

Xarici İşlər Nazirliyinin sözçüsü təzyiqçi sanksiyalara son qoyulmasının prioritetini vurğulayaraq bildirib ki, İran danışıqlar qrupu şübhəsiz ki, qeyri-qanuni olan və beynəlxalq hüququn və insan haqlarının əsas prinsiplərini pozan ABŞ-ın təzyiqçi sanksiyalarının ləğvi üçün heç bir səy göstərməkdən çəkinməyəcək və sanksiyaların ləğvini Amerikanın bu məsələdə ciddiliyini ölçmək üçün kriteriya hesab edir.

Bəqai İranın uranı zənginləşdirmə məsələsində yumuşalması ilə bağlı şayiələri tamamilə rədd edərək əlavə edib: “Ölkənin nüvə sənayesinin tərkib hissəsi kimi İranda uranın zənginləşdirilməsinin davam etdirilməsi İran İslam Respublikası üçün əsas prinsipdir və bu prinsipə zidd olan və ya bu hüququ pozan hər hansı təklif və ya təşəbbüs qeyri-qanunidir”.

Hər cür razılaşmanın mümkün miqyası ilə bağlı irəli sürülən iddialara gəlincə, XİN sözçüsü deyib: “Bu iddialar sadəcə olaraq müxtəlif məqsəd və niyyətlərlə irəli sürülən və dərc edilən media spekulyasiyasıdır və onların heç biri təsdiqlənə bilməz”.