Əraqçı: Biz İran xalqının hüquqlarını reallaşdırmaq məqsədi ilə danışıqları davam etdirəcəyik

Xarici işlər naziri ABŞ-ın təklif etdiyi mətnlə bağlı deyib: ABŞ-ın irəli sürdüyü planın elementlərinə yaxın zamanda müvafiq cavab verəcəyik. Bu cavab İranın mövqeləri, prinsipləri və maraqları əsasında olacaq və millətin hüquqlarını qoruyacaq. İranın uranın zənginləşdirilməsi hüququna hörmət olmasa, heç bir razılaşma olmayacaq.

Əraqçi “snapback”lə (tətik mexanizmi ilə) bağlı da Avropa ölkələrinin bu səhvə yol verməyəcəyinə ümid etdiyini bildirib və deyib: Bu, yanlış siyasət olacaq və mövcud böhranları daha da artıracaq. Əminəm ki, diplomatiya vasitəsilə biz daha yaxşı həll yollarına nail ola və gələcək böhranların qarşısını ala bilərik.

Diplomatik xidmətin rəhbəri bu mətbuat konfransında sionist rejimin təhdidlərinə reaksiya verərkən deyib: Onun bu səhvə yol verəcəyini düşünmürəm, çünki zərər çəkəcək tərəf İsraildir.

Xarici işlər naziri mətbuat konfransının davamında, İran və ABŞ arasında dolayısı danışıqlara işarə edərək dedi: İran İslam Respublikası tamamilə sülh xarakterli nüvə proqramına malikdir və biz bu proqramın sülhməramlı olduğuna tam əminik. Biz də bu etimadı və inamı istənilən partiyaya, istənilən qrupa çatdırmağa hazırıq. Bu baxımdan bizim gizlədəcəyimiz heç nə yoxdur; bizim nüvə proqramımız tamamilə şəffaf və dinc xarakter daşıyır və uranın zənginləşdirilməsi məsələsi də eyni çərçivədə aparılır.

O, davam etdi: "Bu arada, nüvə silahına sahib olan və onunla açıq şəkildə təhdid edən yeganə tərəf sionist rejimdir. Qəzza müharibəsi zamanı biz şahid olduq ki, bu rejim rəsmiləri Qəzzə xalqına qarşı açıq şəkildə nüvə silahından istifadə ilə hədələyiblər, lakin təəssüflər olsun ki, Qərb bu təhdidlərə göz yumub və əvəzində İrana qarşı təzyiqlər artırıblar və İran İslam Respublikasını təhdid edirlər, baxmayaraq ki, İran tamamilə dinc nüvə enerjisi proqramına malikdir. Onların əsas məqsədi regionu tərəqqidən məhrum saxlamaq üçün İran və digər region ölkələrinin bilik və elmi nailiyyətlərə çıxışının qarşısını almaqdır; əvəzində isə nüvə silahına malik olduğu və soyqırım törətdiyi məlum olan bir rejimi dəstəkləyirlər. Bu ikili siyasətlərə baxmayaraq, biz İran xalqının hüquqlarını tam şəkildə müdafiə etmək və həyata keçirmək üçün danışıqlarımızı davam etdirəcəyik.