Məsud Pezeşkiyan çərşənbə axşamı gecə mərhum İmam Xomeyninin (r.ə.) hərəmində həzrətin vəfatının ildönümünə həsr olunmuş mərasimdə deyib: İmam Xomeyni (r.ə.) İmam öz davranışı, həyat tərzi və danışığı ilə bizi izzət və iftixara apardı və İrana özünə inam gətirdi; İmamın şüarı “Biz bacararıq və heç bir zülmə boyun əyməyəcəyik" idi.
Pezeşkiyan mərhum imamın xalq və bütün müsəlmanlar arasında vəhdət və birliyə vurğu etməsinə işarə edərək dedi: Uğurlarımızın sirri vəhdət və birlik, habelə təfriqə və ixtilafdan çəkinməkdir. Müsəlmanların vəhdəti və birliyi düşmənləri məğlub edəcək və müsəlman ölkələri bir olsa, İsrail heç bir qələt edə bilməz.
Prezident əlavə etdi: Siz uzaqdan bura həzrətin xatirinə və adına gəlmisiniz və biz İran İslam İnqilabının yolunu və ənənəsini davam etdirmək və bu yolu unutmamaq üçün İmam Xomeyni (r.ə.) ilə əhd bağlamağa çalışırıq.
Pezeşkiyan, Əmirəl-möminin Həzrət Əlinin (ə) buyurduğu “Məbada başqaları Qurana əməl etməkdə sizdən keçsin” kəlamına işarə edərək, İmam Xomeyninin (r.ə.) vəsiyyətinin bəzi hissələrinə işarə edərək əlavə etdi: İmam buyurur ki, zalım şah dövründə Quranla "qəbiristanlıqlar və zalımın məclislərindən" başqa heç bir rolu olmayan bir iş görmüşlər. İnsanı şeytanların və tiranın şərindən qurtaran kitab rəflərə qaldırıldı. Quran insanı ədalətə yönəldir. Müsəlmanlar üçün hidayət və yoldaşlıq vasitəsi olmalı olan kitab ixtilaf və təfriqə vasitəsinə çevrilmiş və ya tamamilə səhnədən çıxarılmışdı.
O, davam etdi: Bizim inandığımız İslam insaf və ədalət dinidir. İnkar edilən şeytani hökumətlər, diktaturalar və tiranlıqdır. İmam Xomeyni (r.ə.) hökumət və parlamentə tövsiyə edir ki, millətin qədrini bilsinlər və onlara, xüsusilə kimsəsizlərə və məzlumlara xidmətdə səhlənkarlıq etməsinlər, çünki onlar bizim gözümüzün nuru və İslam Respublikasının bərəkətidirlər.
Pezeşkiyan vurğuladı: Bu gün Amerika, İsrail və bütün agentlər, satqınlar ölkədə öz istədikləri əməliyyatları həyata keçirmək üçün ölkəmizdə parçalanma və nifaq salmağa çalışırlar.
O, davam etdi: Ölkə daxilindəki vəhdətimiz və birliyimiz onların ölkəmizə hücum etmək və çirkin niyyətlərini həyata keçirməkdə hərisliklərinin qarşısını alacaq; vəhdətimiz və birliyimiz onları diz çökdürəcək. Əgər İslam ölkələri bir-biri ilə həmrəy olsalar, İsrail məhdud əhalisi ilə heç bir qələt edə bilməz. Amerika bizim bölgəyə gəldi; İsraili hər cür dağıdıcı silahlarla təchiz edib, sonra İslam ölkələrinə təlqin edir ki, İran təhlükədir, Amerika müsəlman ölkələrə raketlər, silahlar, bombalar verir ki, vuruşsunlar, bir-birinə təhlükə olsunlar, sonra İsraili regional təhlükəsizlik amili elan edirlər.
Prezident qeyd etdi: “Biz nüvə hüquqlarımızda güzəştə getməyəcəyik və düşmən təhdid və ya şirnikdirmə yolu ilə müsəlmanları və İslam ölkələrini elm, bilik və yaradıcılığa malik olmaq kimi ayrılmaz hüquqlarından məhrum edə bilməyi xəyal etməlidir”.
Sizin rəyiniz