Əraqçi: İran İslam Respublikası sionist təcavüzünə qəti cavab verəcək

Sionist rejimin ölkəmizin bir neçə məntəqəsinə, o cümlədən Nətənz nüvə obyektinə qarşı hərbi təcavüzündən sonra İran İslam Respublikasının xarici işlər naziri Seyid Abbas Əraqçi Beynəlxalq Atom Enerjisi Agentliyinin baş direktoru Rafael Qrossiyə məktub göndərərək, sionist rejimin İranın nüvə obyektlərinə qarşı təcavüzünü açıq şəkildə pisləməyə çağırıb.

Əraqçi bu məktubda İranın nüvə avadanlığı və materiallarını qorumaq üçün xüsusi tədbirlər görmək qərarını vurğulayaraq, İran İslam Respublikasının bu təcavüzə qəti cavab verəcəyini bildirib.

O, həmçinin baş direktoru bu vəziyyəti həll etmək üçün Qubernatorlar Şurasının fövqəladə iclasını keçirmək üçün təcili tədbirlər görməyə çağırıb.