O, Televiziya müsahibəsində vurğulayıb: sübh saatlarında, sionist rejimin Tehranda həyata keçirdiyi terror əməliyyatı ilə eyni vaxtda Natanzdakı şəhid Əhmədi Roşən nüvə mərkəzi də hücuma məruz qalıb. Bu hücumlar təkrarlanan xarakter daşıyıb və planlı şəkildə nüvə obyektlərinə maksimum zərər vurmaq üçün hədəflənib. Xoşbəxtlikdən, zərərlər yalnız yer səviyyəsində olub və insan itkisi qeydə alınmayıb. Həmçinin, xalqın narahatlığına səbəb ola biləcək heç bir şüalanma olmayıb. Hazırda dəqiq ziyanlar araşdırılır.
Biz dəfələrlə bu təhdid və hücumları Xarici İşlər Nazirliyi vasitəsilə BMT-yə və Beynəlxalq Atom Enerjisi Agentliyinə bildirmişik, lakin bu işğalçı rejimə qarşı açıq mövqe tutan olmayıb.
Bizim yolumuz bəllidir və proqramlarımızın çərçivəsi aydındır. Bu hücumlar nə bizə, nə də həmkarlarımıza heç bir təsir göstərmir. Qüvvələrimiz inam, güc və ruh yüksəkliyi ilə bütün nüvə obyektlərində fəaliyyətlərini davam etdirir.
Sizin rəyiniz