İRNA-nın çərşənbə axşamı yaydığı məlumata görə, Yeni Dehlinin ev sahibliyi etdiyi və videokonfrans şəklində keçirilən ŞƏT-in hazırkı sammitində Çin Prezidenti Şi Cinpin, Rusiya Prezidenti Vladimir Putin, Hindistanın Baş naziri Narendra Modi, Qırğızıstan Prezidenti Sadir Japarov, Tacikistan Respublikasının Prezidenti İmam Əli Rəhmon, Pakistanın Baş naziri Şahbaz Şərif, Qazaxıstan Prezidenti Qasim Comart Tokayev və görüşdə iştirak edən digər yüksək vəzifəli şəxslər İran İslam Respublikasını ŞƏT ailəsinin yeni rəsmi üzvü kimi təbrik ediblər, İranın bu təşkilatın imkan və bacarıqlarını gücləndirə biləcək çoxlu potensiallara malik ölkə kimi qoşulmasından məmnunluqlarını ifadə ediblər.
ŞƏT İranın üzvlüyünü niyə alqışlayır?
ŞƏT 1996-cı ildə çoxtərəfli iqtisadi, təhlükəsizlik və siyasi əməkdaşlığı gücləndirmək, ABŞ və NATO-nun regionda təsirinə qarşı balans yaratmaq məqsədi ilə Avrasiya və hökumətlərarası təşkilat kimi təsis edildiyindən, bu təşkilatın məqsəd və yanaşmaları ümumilikdə İran İslam Respublikasının məqsəd və siyasətlərinə uyğundur və təbii ki, İranın regionda özünəməxsus özəlliklərə, imkanlara və potensiala malik ölkə kimi Şanxay Əməkdaşlıq Təşkilatına üzv olması, qazan-qazan əməkdaşlıq körpüsü yaradacaq.
İran İslam Respublikasının xüsusi imkanları, o cümlədən nəhəng neft və qaz ehtiyatları, şərq-qərb və cənub-şimal dəhlizlərinin ən strateji marşrutunda tranzit kəsişmə kimi unikal coğrafiyada yerləşməsi, həmçinin İranın regionda üstün müdafiə gücü kimi sübuta yetmiş və danılmaz imkanları, regionun təhlükəsizliyi, sülh və sabitliyinin möhkəmləndirilməsindəki danılmaz rolu ŞƏT-in bütün üzvlərinin yaxşı başa düşdüyü çox mühüm məqamlardan sayılır və İranın enerji qütbü, regionda sabitlik və təhlükəsizlik amili kimi rolunu və mövqeyini başa düşürlər.
Həmçinin Çin və Rusiya dünyanın “ BRİKS ” qrupu kimi tanınan inkişaf etməkdə olan iqtisadiyyatlar qrupunun iki əsas üzvü kimi İranın bu qrupa qoşulmaq istəyinə yaşıl işıq yandırıblar. Çin, Rusiya və İranın ŞƏT və BRİKS kimi həmrəy beynəlxalq təşkilatlarda və qruplarda üç strateji tərəfdaş kimi birləşməsi onlar üçün ikiqat iqtisadi və siyasi gücə səbəb olacaq.
İran İslam Respublikası regionda ticarət və nəqliyyat sahəsində “Kəmər-Yol” təşəbbüsü, Çabahar limanının inkişafı, şərq-qərb və şimal-cənub dəhlizləri kimi iri layihələrə rəsmi və açıq şəkildə dəstəyini bəyan etməklə yanaşı, ŞƏT-in bütün ölkələri üçün çox dəyərli potensial ola bilər. Xüsusilə bu təşkilata üzv olan bütün ölkələr bir-biri ilə ticarət-iqtisadi əməkdaşlığı gücləndirmək istədiyi və bu ölkələrin dünyanın digər ölkələri ilə kommersiya əməkdaşlığının genişləndirilməsi üçün kommunikasiya kanallarının yaradılmasının zəruriliyini vurğuladıqları bir vaxtda.
ŞƏT-in İran üçün imkanları
İran müstəqil ölkə olaraq, Çin və Rusiya kimi ŞƏT-in bəzi digər əsas üzvləri kimi ABŞ-ın qeyri-qanuni və birtərəfli sanksiyalarına məruz qalmışdır. Bu sanksiyalar İran üçün bir çox iqtisadi və ticarət problemlərinə səbəb olub. Ona görə də İran beynəlxalq və regional təşkilatlara üzvlük və qonşu ölkələrlə ticarət və iqtisadi əməkdaşlığı genişləndirməklə ABŞ-ın qeyri-qanuni sanksiyalarının təsirlərini azaltmağa, eyni zamanda müxtəlif ölkələrlə ticarət mübadiləsini artırmağa çalışır. Odur ki, İranın dünyanın ilk iqtisadi gücü kimi (yaxın gələcəkdə) Çinin əsas üzvlərindən və qurucularından biri olduğu ŞƏT kimi güclü iqtisadi və siyasi təşkilata üzvlüyü İran İslam Respublikası üçün qızıl fürsət ola bilər. Qarşılıqlı olaraq ŞƏT üçün əhəmiyyətli bonus olacaq.
Sizin rəyiniz