Azərbaycan Prezidenti: Ölkəmizin ərazisindən İrana qarşı təhdidlərə imkan verməyəcəyik

İran İslam Respublikasının xarici işlər naziri doktor Hüseyn Əmir Abdullahian Qoşulmama Hərəkatına üzv ölkələrin xarici işlər nazirlərinin Bakıda keçirilən iclası çərçivəsində Azərbaycan Prezidenti İlham Əliyevlə görüşüb, iki ölkə arasında münasibətlərin inkişafı və regional hadisələrlə bağlı müzakirə və fikir mübadiləsi aparıb.

Bu görüşdə ölkəmizin xarici işlər naziri QH-nın xarici işlər nazirlərinin iclasının uğurla keçirilməsini təbrik edib, ikitərəfli münasibətlərin genişləndirilməsi sahəsində iki ölkənin yüksək rəsmilərinin iradəsini vurğulayaraq bildirib: “İki ölkə arasında münasibətlərdə müsbət atmosferin formalaşması, xüsusilə də bəzi anlaşılmazlıqların aradan qaldırılması ilə İran İslam Respublikası əvvəlki bütün razılaşmaları izləməyə və yerinə yetirməyə hazır olduğunu bəyan etmişdir və inanır ki, iki qardaş və qonşu ölkə yaranmış çətin mərhələlərdən və şəraitdən çıxmaq üçün iradə və bacarıqlarını nümayiş etdirib, reallıqda, əməkdaşlıq sahəsində mövcud olan geniş imkanlara arxalanaraq, qarşılıqlı maraqlar çərçivəsində ümumi məqsədlərə nail olmağı münasibətlərinin gündəliyinə qoymuşdur.”

Bu görüşdə doktor Əmir Abdullahian Azərbaycan Respublikası diplomatlarının ölkəmizdəki fəaliyyətini alqışlamaqla yanaşı, bu ölkənin regionda və qonşuluq siyasəti çərçivəsində tutduğu mövqeyi diqqətə çatdırıb.

Ölkəmizin Prezidentinin salamları, iki ölkə arasında iqtisadi, ticarət, nəqliyyat və tranzit sahələrində əməkdaşlıq, eləcə də ölkəmizin regionda sülh, sabitlik və təhlükəsizliyin bərqərar olmasının zəruriliyinə dair prinsipial baxışı da xarici işlər nazirinin bu görüşdə qeyd etdiyi digər mövzular sırasında olub.

Görüşdə Azərbaycan Respublikasının Prezidenti İlham Əliyev ölkəmizin xarici işlər nazirinin Bakıda olmasından məmnunluğunu ifadə edib, iki qonşu və müsəlman ölkəsi arasında əlaqələrin əhəmiyyətini qeyd edib, xüsusilə nəqliyyat və nəqliyyat marşrutları kimi iqtisadi sektorlarda ikitərəfli əlaqələrin vacibliyini vurğulayıb.

Azərbaycan Respublikasının Prezidenti ölkəsinin heç vaxt regiona və İran İslam Respublikasına qarşı öz ərazisindən təhlükənin olmasına imkan verməyəcəyini vurğulayaraq bildirib ki, Azərbaycan Respublikası regionda nəqliyyat dəhlizlərinin açılmasına çalışır və bölgədə İranın tarixi yollarının mövcudluğuna sadiqdir.

Azərbaycan Prezidenti bu görüşdə dövlətimizin başçısına qarşılıqlı salamlarını çatdırıb.

Görüşdə tərəflər Azərbaycan Respublikasının Tehrandakı səfirliyinə hücum edən şəxs barədə istintaq prosesinin başa çatmasına toxunaraq, Azərbaycan Respublikasının Tehrandakı səfirliyinin necə aktivləşdirilməsi barədə danışıblar.