İRNA-nın əl-Əhdə istinadla verdiyi xəbərə görə, Seyid Həsən Nəsrullah deyib: Bəzilərinin vurğuladığı kimi, bu gün sionist rejimin tarixində ən pis gündür və bu, İsrail rejiminin məhv və tənəzzül yolunda olmasına səbəb olacaq.
Sionist rejimin Knesseti (parlamenti) məhkəmə dəyişiklikləri haqqında qanun layihəsi çərçivəsində “rasionallığın ləğvi haqqında” qanun layihəsini nəzərdən keçirərək təsdiq edib.
Hizbullahın baş katibi əlavə edib: İsrail ordusunun məğlub olmayacağı, bu ordunun ərəb ordularını məğlub etdiyi və işğal olunmuş torpaqların geri alınmasının qeyri-mümkün olduğuna dair bölgə xalqının inanclarına qarşı müharibə gedirdi.
O, daha sonra dedi: 1982-ci ildə sionist düşmən Livana hücum edərək Beyruta daxil olanda, bu ordunun məğlub ola biləcəyinə inanan bir nəsil var idi.
Nəsrullah əlavə edib: Meydan müqavimətinə inancımız 1985-ci ildə düşmənin məğlub olmasına səbəb oldu. Bu, onların 2000-ci ildəki böyük məğlubiyyətinə qədər davam etdi. Beləcə ərəb dünyası və sionist rejimdə sionist ordusunun məğlubedilməzliyinə dair bu təfəkkür dəyişdi.
Hizbullahın baş katibi əlavə edib ki, Livan müqaviməti Allaha təvəkküllə, müqavimət göstərərək və duruş gətirərək, həbsxana və təcridxanalara dözərək, onların məğlubedilməz hesab etdikləri düşməni məğlub edə bildi və bir çox insanların şüurunu və inancını dəyişdirdi.
O, həmçinin dedi: Sionist işğalçılar ardıcıl böhranlarla üzləşiblər. Belə ki, bu gün biz onların dağılma yolunda olduqlarını görürük.
Nəsrullah əlavə edib: Son 200 ildə dünyada ən çox müharibə və qırğınlar törədən ölkə Amerikadır; insan haqları iddiasında olan dövrümüzün ən böyük cinayətkarı.
Hizbullahın baş katibi əlavə edib: Ən təhlükəli müharibələr şüuru idarə etmək və beləliklə də, insanın ağıl və inanclarını idarə etmək üçün edilən müharibələrdir.
Sizin rəyiniz