İRNA müxbirinin verdiyi məlumata görə, BMT-nin 193 üzvü olan Baş Assambleyası Mərakeşin təqdim etdiyi qətnaməni yekdilliklə təsdiqləyib.
BMT Baş Assambleyası tərəfindən təsdiq edilmiş qətnamə, insanlara dini və ya inanclarına əsaslanan bütün zorakılıq hərəkətləri, həmçinin dini simvollara, müqəddəs kitablara, evlərə, müəssisələrə, mülklərə, məktəblərə, mədəniyyət mərkəzlərinə və ya ibadət yerlərinə qarşı hər hansı hərəkətlər, habelə dini yerlərə, ibadət yerlərinə və dini ziyarətgahlara edilən istənilən hücumu pisləyib və bu cür hərəkətləri beynəlxalq qanunların pozulması kimi qiymətləndirib.
BMT İnsan Haqları Şurası da iyulun 12-də qərb ölkələrinin etirazına baxmayaraq, İslam ölkələrinin təklif etdiyi qətnaməni təsdiq edərək Qurani təhqir etməyi pisləyib və İnsan Hüquqları üzrə Ali Komissardan bu məsələni araşdırıb hesabat verməsini tələb edib.
Qətnamədə Qurani-Kərimə qarşı edilən hücumların pislənilməsi tələb edilib və bu hücumlar “dini nifrət aktları” kimi qiymətləndirilib.
Bu qətnamədə İnsan Hüquqları üzrə Ali Komissarlıq Ofisindən və İnsan Hüquqları Şurasının digər qurumlarından da dinlərin təhqir olunmasının cinayət aktı kimi təqdim olunmasında hüquqi boşluqları nəzərə almaqla, bu hüquqi boşluqların aradan qaldırılması üçün ölkələrə lazımi tövsiyələrin verilməsi istənilir.
Bundan əlavə, bu qətnamədə İnsan Hüquqları Şurasının 2024-cü ilin mart və iyun aylarında keçiriləcək iclaslarında bu məsələnin araşdırılması üçün görüşlərin keçirilməsi xahiş olunur.
Amerika, İngiltərə və Belçika Avropa İttifaqı adından bu qətnamənin qəbuluna qarşı çıxsalar da, İnsan Hüquqları Şurası qətiyyətli səslə onu təsdiqləyib.
BMT Baş Assambleyasının qətnaməsi İsveç və Danimarkada Qurani-Kərimə qarşı təkrar təhqirləri, hökumətlərin və dünya müsəlman xalqlarının bu təhqirlərə qəzəb və reaksiyasından sonra təsdiqlənib.
Ötən çərşənbə günü İsveç polisi təxribat xarakterli hərəkətə yol verərək, daha əvvəl bu iyrənc əməli törətmiş həmin şəxsə İraqın Stokholmdakı səfirliyi qarşısında Quranı yandırmağa növbəti dəfə icazə verib.
Cümə axşamı günü Salvan Momika növbəti dəfə aşağılayıcı və anti-İslam hərəkətləri ilə Stokholmdakı İraq səfirliyi qarşısında müqəddəs kitabı və İraq bayrağını cırmağa çalışıb.
Cümə günü islamofob və ifrat sağçı millətçi “Dansk Patriot” (Danimarkalı vətənpərəst) qrupunun üzvləri İraqın Danimarkanın paytaxtı Kopenhagendəki səfirliyi qarşısında Qurani-Kərimin bir nüsxəsini yandırıblar.
25 iyulda İranın Kəşfiyyat Nazirliyi İsveçdə Qurani-Kərimə hörmətsizlik edən şəxslə bağlı yeni sənədləri dərc edərək bildirib: “Momika layihəsi müsəlmanların ictimai fikrini sionistlərin vəhşi cinayətindən yayındırmaq məqsədi ilə sionizmin rəsmi missiyası idi.”
Kəşfiyyat Nazirliyinin açıqlamasında qeyd olunur: “2019-cu ildə sionist rejimin casusluq təşkilatı onu rəsmən işə cəlb edib və onun üçün informasiya interfeysi təyin edir. Xüsusilə Neynəva vilayətində İraq müqavimət qruplarının qərargahı və liderləri üzərində casusluq missiyası ona tapşırılan missiyalardan biri olmuşdur.
Sionist casusluq təşkilatında çoxlu xidmətlərindən sonra Momika Avropa ölkələrindən birinə köçürülməsini xahiş edir. İşğalçı rejimin amilləri də “Momika Avropada qalma imkanı taparsa, istənilən işə razı olacaq” kimi qiymətləndirərək bu şər və xain ünsürə İsveç Krallığının, yəni qəsbkar sionist rejimin casusluq xidmətinin arxa həyətinin vətəndaşlığını verirlər.
Sizin rəyiniz