İRNA-nın çərşənbə günü verdiyi xəbərə görə, Münib Mir İslamabadda ingilisdilli “Nation” qəzetində dərc olunan “İran-ABŞ nüvə sazişi” başlıqlı məqaləsində yazıb: “Bu iki ölkə arasında son razılaşma Tehran və Vaşinqton arasında JCPOA-dakı durğunluğu aradan qaldırmaq üçün müvəqqəti və ya kiçik bir razılaşmaya dair söz-söhbətin eşidilməsinə səbəb olsa da, İran tərəfdən heç bir istək görünmür. NPT rejimində mövcud ikililik dövrü çökməkdədir və bölgədə strateji perspektiv də İran İslam Respublikasının xeyrinə dəyişir. Biz onun nailiyyətlərindən birini Tehranın öz maraqlarına çatmaq üçün Vaşinqton üzərində son diplomatiyasında gördük.
İran və ABŞ arasında son danışıqların uzunmüddətli nəticələrini görmək çox maraqlı olacaq, lakin iki ölkə arasında son razılaşma Tehranın müzakirə gücünün Vaşinqtondan üstün olduğunu göstərir.”
Pakistanlı yazar sionist rejimin İrana qarşı kontrast yanaşmasını və çoxtərəfli qarşılıqlı fəaliyyətlərdə və ya digər ölkələr arasında rəsmi razılaşmalarda beynəlxalq normalara məhəl qoymamasını tənqid edərək yazıb ki, Təl-Əviv təxribatçı ünsürdür və onun əsas məqsədi nüvə danışıqlarını sabotaj etmək və ya İranın nüvə obyektlərinə ziyan vurmaqdır.
Yazarın fikrincə, ABŞ və Avropa tərəflərinin iştirakı ilə İranın nüvə sazişinin hər hansı bir canlandırılmasının gələcəyi bu sazişdən hələ də çıxmamış Avropa dövlətlərinin JCPOA-nı imzalayan ölkələr kimi JCPOA ilə əlaqəli olmayan sanksiyaları ləğv etmək qərarına gəlməsindən asılıdır. Çünki bu vəziyyət potensial razılaşmanın ümumi uğurunun və davamlılığının müəyyən edilməsində mühüm rol oynayır.
Tərəflər arasında iki il davam edən dolayı danışıqlardan sonra Tehran və Vaşinqton arasında İranın dondurulmuş aktivlərinin azad edilməsi və məhbusların mübadiləsinə başlanılması prosesi Hörmüz boğazında qanun pozuntusuna yol verən bir neçə gəminin saxlanılması və Co Bayden hökumətinin təhlükəsizlik jesti olaraq hərbi qüvvə göndərməsi səbəbindən Qərbi Asiyadakı maraqlarına təhlükə hiss etdiyi bir vaxtda 10 avqust cümə axşamı günü, elan edildi.
İran İslam Respublikasının Xarici İşlər Nazirliyi də bəyanat yayaraq elan etdi: “Cənubi Koreyada bir neçə ildir ABŞ tərəfindən qanunsuz olaraq dondurulmuş İran İslam Respublikasının aktivlərindən milyardlarla dolların azad edilməsi prosesi başlayıb. İran Amerikanın bununla bağlı öhdəliklərinə əməl etməsi üçün lazımi zəmanət alıb.”
İran XİN-nin bəyanatında vurğulanır ki, ABŞ-ın amansız sanksiyaları ilə bağlı qeyri-qanuni şəkildə və xarici bankların narahatlığı bəhanəsi ilə bloklanan və ya istifadəsi çətinləşdirilən İran İslam Respublikasının maliyyə resurslarına qoyulan məhdudiyyətlərin aradan qaldırılması həmişə Xarici İşlər Nazirliyinin gündəmində olub. Resursların və maliyyə aktivlərinin sekvestrdən çıxarılması üçün istifadə üsulu İran İslam Respublikasının ixtiyarındadır. Bu vəsaitlər səlahiyyətli orqanlar tərəfindən müəyyən edilməklə, ölkənin müxtəlif ehtiyacları üçün xərclənəcək.
Sizin rəyiniz