İRNA-nın cümə günü axşam saatlarında “TAAS” xəbər agentliyinə istinadən verdiyi məlumata görə, Zaxarova Aİ-nin xarici siyasət məsələləri üzrə Ali Nümayəndəsi Cozep Borrelin son açıqlamalarına cavab olaraq deyib: “Biz İngiltərə, Almaniya və Fransanın JCPOA və BMT Təhlükəsizlik Şurasının 2231 saylı qətnaməsinin tələblərini bilərəkdən pozmaq niyyətini qətiyyətlə pisləyirik.”
O, əlavə edib: “Avropalıların qəzəb üzündən verdiyi bu qərar məhz İran və ABŞ arasında dolayı dialoqda irəliləyişlə “JCPOA-nın dirçəldilməsi” üçün müəyyən şəraitin yaradıldığı bir vaxtda elan edildi.”
Zaxarova vurğulayıb: “Biz JCPOA-nın Avropa tərəflərini təxribatçı kurslarını dərhal dəyişməyə və BMT Təhlükəsizlik Şurasının 2231 saylı qətnaməsinə ciddi əməl etməklə, beynəlxalq öhdəliklərini tam şəkildə yerinə yetirməyə çağırırıq.”
Rusiya XİN-nin mətbuat katibi sonda əlavə edib: “Biz hesab edirik ki, qeyri-qanuni və yalnız bəzi ölkələrin milli səviyyədə mülahizələri əsasında qəbul edilən qərarlar digər ölkələr üçün hüquqi nəticələr yarada bilməz. Biz birtərəfli sanksiyaların şər əməllərini və onların həyata keçirilməsini pisləyirik. Bu birtərəfli sanksiyalar qərbin təbliğ etdiyi “qanunlara əsaslanan dünya nizamı”nın çirkin təzahürüdür.”
Sizin rəyiniz