İRNA-nın məlumatına görə, Bəhram Eynullahi şənbə günü İran, Əfqanıstan, Pakistan, Tacikistan və İraq (G5) daxil olmaqla G5-ə üzv ölkələrin Səhiyyə Nazirliyində “Səhiyyə diplomatiyası” adı altında keçirilən 27-ci üç günlük iclasının açılış mərasimində bildirib: “Səhiyyə diplomatiyası bütün ölkələrin ortaq nöqtəsidir və regiondakı qonşular arasında əməkdaşlığı artırır.”
Səhiyyə naziri qeyd edib ki, bu görüşdə dərman və tibbi avadanlıqlarla bağlı fikirlər müzakirə olunur, tibbdə fəal və yeni bazar yaratmaq və bir-birimizin ehtiyaclarını təmin etmək üçün birgə əməkdaşlıqda irəliləyəcəyimizə ümid edilir.
B. Eynullahi deyib: “G5-də terapiya, təhsil, tibb bacısı və stomatologiya da daxil olmaqla müxtəlif əməkdaşlıqlar mövcuddur. Bu görüşdə mövzunun əhəmiyyətinə diqqət etməklə, tibb və tibbi avadanlıq problemləri müzakirə edilir və fikir mübadiləsi aparılır.”
Amerika və Qərbin son 44 ildə ölkəmizə qarşı tətbiq etdiyi amansız sanksiyaları vurğulayan Eynullahi, bu sanksiyalara baxmayaraq, tibb və tibbi avadanlıq sahəsində bir çox irəliləyişlər əldə edildiyini diqqətə çatdırıb, dost və qonşu ölkələr arasında daha çox əməkdaşlığın artırılacağına ümidvar olduğunu ifadə edib.
O, bu toplantının əsas məqsədinin dərman və tibbi avadanlıqlara ədalətli çıxış və son nəticədə region əhalisinin sağlamlığı olduğunu bildirərək deyib: “Koronavirus epidemiyası zamanı bu əməkdaşlıqların davam etdirilməsinin bu epidemiya ilə mübarizədə təsirli olduğu sübuta yetirildi.”
Səhiyyə naziri vurğulayıb: “Sağlamlığı bir ölkədə təkbaşına yaratmaq olmur. Ona görə də G5 bu əməkdaşlıqlarda lideridir. Dərman istehsalı və paylanmasında, eləcə də qayda- qanun məsələlərində bir-birinin təcrübələrindən faydalanmaq zəruridir.”
B. Eynullahi deyib: “Bu gün bir çox yüksək texnologiyalı dərmanların və biotexnologiyaların istehsalı insanların xəstəliklərini müalicə edə bilər və bölgədə dərman istehsalına heç bir məhdudiyyət yoxdur.”
Səhiyyə naziri bildirib ki, FAO-nun növbəti iclası qadınlar haqqında olacaq və bu iclasda biz sağlamlıq və qadınlar haqqında danışacağıq.
Eynullahi gələn həftə Qahirəyə səfər edəcəyini açıqlayaraq deyib ki, bu səfər zamanı dost ölkələrin səhiyyə nazirləri ilə görüşüb söhbət edəcək.
Sizin rəyiniz