İran xarici işlər nazirinin müavini Yaponiyanın xarici işlər naziri ilə görüşüb

Görüşdə ikitərəfli münasibətlərin son vəziyyəti, regional və beynəlxalq məsələlər müzakirə edilib və fikir mübadiləsi aparılıb. Xanım Kamikava onun səfərini alqışlayaraq, iki ölkə arasında dostluq münasibətlərinin inkişaf etdirilməsi məqsədilə xarici işlər nazirlərinin müavinlərinin görüşünün keçirilməsinin vacibliyini vurğulayıb. Ölkəmizin xarici işlər nazirinin siyasi işlər üzrə müavini iki ölkə arasında dostluq və tarixi münasibətlərin əhəmiyyətini vurğulayaraq, ikitərəfli münasibətlərin, xüsusən də iqtisadi münasibətlərin, eləcə də beynəlxalq və regional proseslər sahəsində əməkdaşlıq və fikir mübadiləsinin inkişaf etdirilməsi üçün səylərin ikiqat artırılmasının zəruriliyini vurğulayıb.Baqiri bu görüşdə sionist rejimin Qəzzədəki hərbi cinayətləri və soyqırımlarının dərhal dayandırılmasını istəyib və bəyan edib ki, ümidvarıq beynəlxalq ictimaiyyət, o cümlədən Yaponiya bu mövzuda daha çox səy və addım atacaq, eləcə də Qəzza xalqına humanitar yardım göstərilməsi məsələsində təcili tədbirlər görəcək. O, həmçinin xatırladıb ki, Qəzza əhalisinin bu torpağın daxilində və xaricində köçürülməsi etnik təmizləmə nümunəsidir və dərhal dayandırılmalıdır. Yaponiyanın xarici işlər naziri də Qəzzaya təcili humanitar yardım göndərilməsinin vacibliyini vurğulayıb və böhranın dayandırılması və yayılmasının qarşısının alınması üçün beynəlxalq ictimaiyyətin əməkdaşlığını istəyib. Tərəflər həmçinin beynəlxalq təhlükəsizliyin təmin edilməsi üçün əməkdaşlığın vacibliyini vurğulayıblar. Ölkəmizin xarici işlər nazirinin siyasi işlər üzrə müavini Pekinə səfərindən sonra Tokioya gəlib və Yaponiya rəsmiləri ilə məsləhətləşdikdən sonra bu gün Tokionu tərk edib.