Əmir Abdullahiyan: Bölgədə sülhün həll yolu Qəzzada müharibənin dayandırılmasıdır

İranın Xarici İşlər naziri Hüseyn Əmir Abdullahiyan və Livanın Xarici İşlər naziri Abdullah Buhabib şənbə günü axşam saatlarında görüş və müzakirədən sonra birgə mətbuat konfransında iştirak ediblər.

Xarici İşlər naziri mətbuat konfransında deyib: “Bu gün Livan rəsmiləri ilə ikitərəfli məsələlərlə bağlı yaxşı danışıqlarımız oldu. Tehran və Beyrut müharibənin həll yolu olmamasını və regionda müharibənin genişlənməsini heç vaxt alqışlamadıqlarını vurğulayırlar.”

O, əlavə edib: “Biz inanırıq ki, HƏMAS müqaviməti həm sionist rejimin cinayətlərinə qarşı durma yolunda, həm də siyasi yolda müdrik və düzgün hərəkət edib. Dünyaya da bəllidir ki, Qəzzada və İordan çayının qərb sahilində dörd aydan çox davam edən müharibə İsrail və onun havadarları üçün nəzərəçarpacaq nəticələr verməyib.”

Əmir Abdullahiyan deyib: “Amerika eyni zamanda iki istiqamətdə hərəkət edir: birinci istiqamət silah göndərməyə və Qəzzada soyqırımda iştirak etməyə davam etməkdir; ikinci istiqamət siyasi həll yolundan danışmaqdır. Biz açıq şəkildə deyirik ki, Amerika regionda sülh axtarırsa, həll yolu Qəzzada müharibəni dayandırmaqdır.”