İsmayıl Həniyyə çərşənbə günü televiziya müraciətində bildirib: “İşğalçılar bəşəriyyətə məlum olan qətliam, köçkünlük və yerində edamlar kimi ən ağır cinayətləri törədirlər.”
O, qeyd edib ki, xalqımızdan 700.000 nəfəri hələ də Qəzza zolağının şimalında öz torpaqlarında kök salıb və oradadır.
Həniyyə deyib: “Sionistlərə və onların cinayət ortağı olan Amerikaya vurğulayıram ki, döyüş meydanında tətbiq edə bilmədiklərinə siyasi intriqalarla da nail ola bilməyəcəklər.”
“Millətimizin qanını qorumaq və soyqırım müharibəsində onların iztirablarına son qoymaq üçün danışıqlarda göstərdiyimiz istənilən yumşaqlıq bizim xalqımızı müdafiə etməyə hazır olmağımızla birgədir” - deyə, HƏMAS Siyasi Ofisinin rəhbəri bildirib.
Həniyyə vurğulayıb: “Ərəb və İslam xalqının və Qəzzanın ətrafındakı ölkələrin borcudur ki, Qəzzanın şimalında əhalini aclıqdan öldürmək planını pozmaq üçün təşəbbüs göstərsinlər.”
O deyib: “Dünya, xüsusən də dost Ərəb ölkələri bu düşmənlə qarşılaşmalı və ona təzyiq göstərərək, Rəfah şəhərinə hücum etməsinə imkan verməməlidir.”
Həniyyə əlavə edib: “Müsəlmanları və xalqımızı mübarək Ramazan ayının ilk günündən Məscidül-Əqsanın mühasirəsini yarmağa çağırırıq.”
HƏMAS Siyasi Ofisinin rəhbəri bildirib: “Xəyalpərəst İsrail rejimi Məscidül-Əqsaya qarşı hərəkətləri ilə Əqsa Tufanının məzmununu dəyişə biləcəyini düşünür.”
Sizin rəyiniz