Xarici İşlər Nazirliyinin sözçüsü Nasir Kənani virtual məkanda şəxsi səhifəsində yazıb: 8 Mart və Beynəlxalq Qadınlar Günü qadın hüquqlarını dəstəklədiyini iddia edən bəzi yalançıların gülünc və alçaldıcı bəyanatları üçün fürsətə çevrilməməlidir. Onlar qadınlara alət kimi baxaraq, onların insani, mədəni və sosial hüquqlarını pozmaqda qara iz buraxıblar.
O, sözlərinə belə davam etdi: Fələstində minlərlə günahsız qadın və uşağın vəhşicəsinə öldürülməsinə göz yuman, qadın və uşaqları vəhşicəsinə qətlə yetirən terror rejiminə dəstək verməyə davam edən bu yalançı iddiaçıların ikiüzlü yanaşması bütün dünya əhalisinə ifşa olaraq aşkara çıxıb.
Kənani bildirib: Builki Beynəlxalq Qadınlar Günü Fələstinin məsum qızlarına; aslan qadınlarına və analarına məxsusdur və qaniçən İsrail rejiminin qlobal şəkildə qınanması üçün bir fürsət olmalıdır.
Xarici İşlər Nazirliyinin sözçüsü qeyd edib: Qəsbkar sionist rejimin minlərlə qadının qətlə yetirilməsi və mülki əhalinin, xüsusilə qadın və uşaqların mütəşəkkil formada aclıq tətbiq edilməsi nəticəsində bəşəriyyətə qarşı cinayətlər törətməsi və övladlarının tədricən ölümü ilə əlaqədar analara ağır ruhi və emosional iztirablar verməsi səbəbilə Qadınların Vəziyyəti üzrə Komissiyadan çıxarılması qlobal tələbdir.
Sizin rəyiniz