İran İslam Respublikasının və Avstraliyanın xarici işlər nazirləri Hüseyn Əmir Abdullahiyan və Penni Vonq arasında telefon danışığı olub. Söhbət zamanı bölgədəki son hadisələr, xüsusilə Fələstindəki vəziyyət və ikitərəfli münasibətlər ətrafında fikir mübadiləsi aparılıb.
Əmir Abdullahiyan İranın Dəməşqdəki səfirliyinə hücum hadisəsində İsrail rejiminin terror cinayətini pisləmək üçün BMT Təhlükəsizlik Şurasından İranın tələbinin yerinə yetirilməsindən təəssüfünü ifadə edib və Təhlükəsizlik Şurasının bu hərəkətini tənqid edərək deyib: “Bəzi Qərb hökumətləri beynəlxalq hüquq və konvensiyaları açıq şəkildə pozan bu terror aktını pisləməkdən çəkindilər, sionistlərin cinayətlərini dəstəkləməyə davam etməklə, məhz İranı təmkinli olmağa çağırırlar.”
Bu telefon danışığında Avstraliyanın Xarici İşlər naziri xanım Vonq da İran İslam Respublikasının Dəməşqdəki səfirliyinin konsulluq bölməsinə hücumla bağlı narahatlığını anladığını vurğulayaraq, İranı təmkinli olmağa çağırıb.
Avstraliya tərəfi həmçinin gərginliyin və qarşılıqlı addımların artması, habelə regionun dözümlülüyünü aşaraq və idarəolunmaz nəticələrlə müharibənin əhatə dairəsinin genişlənməsi ilə bağlı narahatlığını ifadə edib.
Sizin rəyiniz