Xarici İşlər Nazirliyinin mətbuat katibi Nasir Kənani, Kanada İcmalar Palatasının ölkəmizin rəsmi hərbi gücünü terrorçu elan etmək planı ağılsız və düşməncəsinə hərəkət olduğunu, bunu beynəlxalq hüququn standartlarına və qəbul edilmiş prinsiplərinə, o cümlədən hakimiyyətlərin bərabərliyi və hökumətlərin daxili işlərinə qarışmamağa zidd, İranın suverenliyi və milli təhlükəsizliyinə hücum nümunəsi hesab edib və qəti şəkildə pisləyib.
Kənani əlavə etdi: Bu, Kanada parlamentarilərinin son on ildə sionist rejimin təsiri altında və rədd edilmiş, status və dəyərdən məhrum olan bəzi qruplara uyğun olaraq tutduqları səhv yolda məsuliyyətsiz addımdır.
O, aydınlaşdırıb: İslam İnqilabı Keşikçiləri Korpusu böyük və qüdrətli İran xalqının köksündən irəli gələn suveren bir qurumdur və İran İslam Respublikasının Konstitusiyasından verilən rəsmi və hüquqi kimliyə malikdir və silahlı qüvvələrin digər orqanları ilə birlikdə, ölkənin milli təhlükəsizliyinin və sərhədlərinin mühafizəsinə cavabdehdir və eyni zamanda terrorizm kimi dəhşətli fenomenlə mübarizə apararaq regionda təhlükəsizliyə və davamlı sabitliyə öz töhfəsini verir.
Kənani bildirib: Eyni zamanda, İran İslam Respublikası beynəlxalq hüququ pozan, İran xalqı və hökumətinə qarşı bu cür hərəkətlərə cavab vermək, müvafiq və əks tədbirlər görmək hüququnu özündə saxlayır.
Sizin rəyiniz