Əl-Ərəbi Əl-Cədid xəbər saytı oktyabrın 7-də Qəzza zolağına hücumun başlamasından sonra sionist rejimin iqtisadi vəziyyəti ilə bağlı hesabatında yazıb: İşğal olunmuş Fələstin torpaqlarında kəskin inflyasiya və həyat səviyyəsinin aşağı düşməsindən sonra, oktyabrın 7-də Qəzza zolağına qarşı dağıdıcı müharibənin başlaması və Fələstinin müqavimət əməliyyatı İsrail iqtisadiyyatının daha da məhv olmasına səbəb oldu.
İqtisadi inkişafın pisləşməsi İsrail rejimini iflic etdi
Mayın əvvəlində Vaşinqton Post qəzetinə müsahibə verən sionist iqtisadçılar bu ilin birinci rübündə Qəzza zolağına qarşı müharibənin İsrailin baş naziri Binyamin Netanyahunun kabinetinə gündəlik 220 milyon dollara başa gəldiyini hesablayıblar.
Beynəlxalq Valyuta Fondu da qeyd edib ki, onun hesablamaları bu il iqtisadiyyatda 1,6% artımdan xəbər verir və bu rəqəm əvvəlki proqnozlarla müqayisədə 3,1% azdır. Aprelin 17-də BVF, 2024-cü ildə sionist rejimin iqtisadi artımının ötən yanvarın proqnozu ilə müqayisədə yarıbayarı azalacağını proqnozlaşdırıb. Fond Qəzzaya qarşı müharibənin davam etməsini və işğal olunmuş Fələstinin şimalında Livan Hizbullahı ilə döyüşləri buna səbəb göstərib.
Sionist “Globes” saytının sionist rejimin Maliyyə Nazirliyinin baş mühasibi Yali Rotenberqə istinadla verdiyi məlumata görə, bu rejimin maliyyə kəsiri ümumi daxili məhsulun 5,6 %-ni təşkil edir ki, bu da 105,3 milyard şekel (29,25 milyard dollar) təşkil edir. Bu göstərici ötən ilin yanvarında 4,8 % olub.
İsrail rejiminin 2024-cü il üçün yenidən işlənmiş büdcəsi 6,6 % kəsir ətrafında fırlanır, lakin iqtisadi analitiklər faktiki kəsirin istehsalın 9 %-nə çatdığını vurğulayırlar.
Sionist rejimin Maliyyə Nazirliyinin məlumatına görə, gələn il istehlak vergisi, yəni əlavə dəyər vergisi 1 %-dən 18 %-ə qaldırılacaq ki, bu da sionistlərə Qəzza zolağına qarşı müharibə nəticəsində büdcə kəsirinin artması ilə mübarizə aparmağa kömək edəcək. 2002-ci ildən bu yana onuncu dəfədir ki, bu vergi artırılır.
Tikinti sektorunda durğunluq
Mayın əvvəlində İsrail rejiminin podratçılar birliyinin rəhbəri Raul Sarco bu rejimin baş naziri Binyamin Netanyahuya sərt məktub göndərərək Netanyahuya tikinti şirkətlərinin böyük borclardan əziyyət çəkdiyi barədə xəbərdarlıq etmişdi.
O, bu məktubda əlavə edib ki, 2022-ci ilin statistikasına əsasən, tikinti sektoru sionist rejimin yerli istehsalının təxminən 14 %-ni təşkil edib; Halbuki, bu sektorda fəaliyyət göstərən şirkətlərin banklara, qurumlara və kapital bazarına təxminən bir trilyon 300 milyard şekel borcu var.
Qiymətlərin artması və şekelin dəyərinin azalması
İşğal olunmuş Fələstin torpaqlarında ərzaq və istehlak mallarının baha olduğuna dair göstəricilər artır və bu, sionistlərin etirazına səbəb olub.
Bu məsələ ixtisaslaşmış “Kalkalist” internet saytının mayın 2-də sionist rejimin iqtisadiyyat naziri Nir Barkatı tənqid atəşinə tutmasına və onu aciz kimi qələmə verməsinə səbəb olub.
“Haaretz” qəzeti bu yaxınlarda baş məqaləsini bu mövzuya həsr etmiş və “qiymət artımlarının həftələrdir ki, gündəlik hadisəyə çevrildiyinə” işarə etmişdi.
Sizin rəyiniz