Müxbir: İran və Azərbaycan prezidentlərinin son görüşündə əldə olunan razılaşmaların icrasını izləyirik

Azərbaycan Respublikasının Prezidenti İlham Əliyev 5 iyun çərşənbə günü Prezident vəzifəsini icra edən Məhəmməd Müxbirlə telefonla danışığında İran İslam Respublikasının Prezidenti Seyid İbrahim Rəisinin, Xarici İşlər naziri Hüseyn Əmir Abdullahiyanın və digər müşayiət edən şəxslərin helikopter qəzasında həlak olmaları ilə bağlı İran hökuməti və xalqına  başsağlığı verməklə yanaşı, Ayətullah Rəisinin şəhadətini təkcə İran üçün deyil, bütün müsəlman ölkələri və xalqları üçün böyük itki hesab edib.

Bu telefon danışığında Məhəmməd Müxbir də doktor Rəisinin və müşayət edən şəxslərin şəhadəti ilə bağlı başsağlığı verdiyi və həmrəyliyk ifadə etdiyi üçün Azərbaycan hökuməti və xalqına minnətdarlığını bildirərək deyib: “Şəhid Prezident doktor Rəisinin vurğuladığı kimi, İran və Azərbaycan xalqlarının bir-biri ilə dini, qohumluq və qəlb bağları var ki, bu da qırılmaz bir bağdır.”

Cənab Müxbir onu da vurğulayıb ki, biz şəhid Prezident ilə bu yaxınlarda keçirilən görüşdə əldə olunmuş razılaşmaları dəstəkləyirik və bu razılaşmaların tez bir zamanda həyata keçirilməsi zəruridir.

O, bildirib: “Doktor Rəisi hesab edirdi ki, sülh və təhlükəsizlik yalnız region ölkələrinin əməkdaşlığı ilə reallaşa bilər və inanırdı ki, sionist rejim praktiki olaraq NATO-nun bir hissəsidir və belə əcnəbilərin regionda olması Qafqazda təhlükə yaradır.”

Azərbaycanın Tehrandakı səfirliyi yaxın vaxtlarda yenidən fəaliyyətə başlayacaq

Azərbaycan Respublikası Prezidenti də bu telefon danışığında son görüşündə ölkəmizin şəhid Prezidenti ilə apardığı məsləhətləşmələrə və razılaşmalara toxunub, həmin görüşdə əldə olunmuş razılaşmaların həyata keçirilməsini münasibətlərin və əməkdaşlığın yaxşılaşmasına səbəb olacağını hesab etdiyini bildirərək deyib: “Şəhid doktor Rəisi ilə görüşümüzdə əldə etdiyimiz razılaşmalar arasında Azərbaycanın Tehrandakı səfirliyinin yenidən açılması da var idi ki, bu da tezliklə həyata keçiriləcək.”

Azərbaycan Prezidenti həmçinin regional əməkdaşlığa və bölgədə əcnəbilərin olmamasına sadiq qalacağını vurğulayıb.