Yəmən: ABŞ-ın təyyarədaşıyan gəmisini və başqa bir gəmini hədəf aldıq

Yəmən Silahlı Qüvvələrinin mətbuat katibi general-mayor Yəhya Sərii bu gün misli görünməmiş əməliyyatda Makran dənizində “Transworld Navigator” gəmisini hədəf aldıqlarını açıqlayıb.

O əlavə edib ki, bu gəmi bir neçə ballistik raketlə dəqiq şəkildə hədəfə alınıb. Bundan əlavə, Yəmən raket bölməsi bir neçə ballistik və qanadlı raketlərlə ABŞ-ın “Eisenhower” təyyarədaşıyan gəmisini hədəfə alıb.

General-mayor Sərii deyib: “Bu iki hərbi əməliyyatda nəzərdə tutulan hədəflər birbaşa və dəqiqliklə vuruldu. Allahın köməyi ilə Fələstin xalqına dəstək və müdafiə məqsədilə hərbi əməliyyatların həyata keçirilməsi təcavüzün dayandırılmasına və Qəzzə zolağının blokadası götürülənə qədər davam edəcək.”

Yəmən Silahlı Qüvvələrinin sözçüsü həmçinin vurğulayıb: “Ölkəmizə qarşı təcavüzə cavab olaraq Qırmızı və Makran dənizlərində düşmən xarici hərbi gəmiləri hədəfə almaqdan heç vaxt çəkinməyəcəyik.”