İRNA-nın məlumatına görə, Enerji İnstitutu bu yaxınlarda dərc etdiyi “Ümumdünya Enerji Statistikası İcmal Hesabatı”nda 2023-cü ildə İranda nüvə enerjisi istehsalının bir faiz artdığını açıqlayıb. İran bu il 6,6 teravatt saat nüvə enerjisi istehsal edib ki, bu da əvvəlki illə müqayisədə bir faiz artım deməkdir.
İranın nüvə enerjisi istehsalı 13-cü hökumətdə təxminən 5% artıb. İran 12-ci hökumətin son ili olan 2020-ci ildə 6,4 teravatt saat nüvə enerjisi istehsal etmişdi.
2023-cü ildə İran da daxil olmaqla dünyanın cəmi 33 ölkəsi nüvə elektrik enerjisi istehsal edib. Keçən il 6,6 teravatt saat nüvə enerjisi istehsalı ilə İran bu göstərici üzrə dünyada 30-cu yerdə qərarlaşıb.
İranın dünya nüvə enerjisindəki payı bu il cəmi 0,2% təşkil edib. İranın nüvə fəaliyyətlərinə qarşı çıxmasına baxmayaraq, Amerika dünyanın ən böyük nüvə enerjisi istehsalçısıdır və 2023-cü ildə dünya nüvə enerjisinin 29%-i bu ölkədə istehsal olunub.
Sizin rəyiniz