İran İslam Respublikasının Xarici İşlər naziri vəzifəsini icra edən Əli Baqiri Kəni sosial şəbəkədəki şəxsi səhifəsində yazıb: “Biz sabah Tehranda Asiya Dialoq Forumunun (ACD) nazirlər toplantısına evsahibliyi etməkdən və bu toplantıya sədrlik etməkdən qürur duyuruq.”
O əlavə edib: “Bu iclasda nazirlərdən və beynəlxalq təşkilatların nümayəndələrindən ibarət 41 nümayəndə heyəti iştirak edəcək.”
Bu tədbir Asiya ölkələri arasında əməkdaşlığı gücləndirmək üçün platforma yaradır və Asiyanın çoxtərəflilik və inklüzivlik istəyini göstərir” - deyə, Əli Baqiri qeyd edib.
Asiya Dialoq Forumuna (ACD) üzv ölkələrin xarici işlər nazirlərinin iclasına sədrlik 2023-cü ilin sentyabr ayından İran İslam Respublikası tərəfindən həyata keçirilir.
İran İslam Respublikası Xarici İşlər Nazirliyinin evsahibliyi etdiyi bu iclasda 30-dan çox ölkə nazir, müavin və ya xarici işlər nazirlərinin müvafiq müavinləri və üzv ölkələrin xüsusi nümayəndələri səviyyəsində iştirak edəcək.
Sizin rəyiniz