Motosiklet və Avtomobil Yarışları Federasiyasının rəhbəri Maziyar Nazimi ilk dəfə olaraq “Motor Race Cup Asia” yarışına iranlı qadın göndəriləcəyini açıqlayaraq deyib: “Ötən ilin martında Asiya Konfederasiyasının Dohada keçirilən iclasında Asiya Konfederasiyasının prezidenti ilə görüşdə iranlı qadın motosikletçilərin iştirakını təklif etdik və bu, qəbul edildi.”
“Qadınlar arasında motosiklet yarışı bu il sentyabr ayında Filippin, Tailand, Çin, Nepal, Sinqapur, Hindistan, Çin Taypeyi, Yaponiya, Şri-Lanka və İrandan olan Asiyanın ən yaxşı 10 motosikletçisinin iştirakı ilə Taylandın Nakhon Çai Şri şəhərində keçiriləcək” - deyə, o, əlavə edib.
Nazimi açıqlamasının davamında deyib: “Çox sevindirici haldır ki, iranlı qızlar öz bacarıqlarını sübut etmək üçün mühüm beynəlxalq fürsət əldə ediblər və Asiya Kubokuna göndərilirlər. İranın bir kvotası var və İran təmsilçisi üçün seçim müsabiqəsi bu ilin avqustunda Tehranın Azadi yarış trekində keçiriləcək.”
Tehran - İRNA - Motosiklet və Avtomobil Yarışları Federasiyasının rəhbəri İranın ilk qadın motosikletçisinin Asiya Kubokuna göndəriləcəyini xəbər verib.
Sizin rəyiniz