Nasir Kənani sosial şəbəkədəki rəsmi hesabında yazıb: “Keçmişdə olduğu kimi, İran İslam Respublikası Fələstin xalqının işini və İsrailin aparteid rejiminin işğalı ilə mübarizədə Fələstin qruplarının konsensusunu, onların öz müqəddəratını təyinetmə fundamental hüququnun həyata keçirilməsi, bütün tarixi Fələstin torpağının azadlığının həyata keçirilməsi və paytaxtı Qüds olan müstəqil Fələstin dövlətinin yaradılması istiqamətində kollektiv hərəkatını qətiyyətlə dəstəkləyir.”
İRNA-nın “Sinxua” xəbər agentliyinə istinadən verdiyi məlumata görə, Çinin Xarici İşlər naziri Vanq Yi, çərşənbə axşamı, iyulun 23-də səhər saatlarında, müharibədən sonra Qəzzə zolağında “Müvəqqəti Milli Birlik Hökuməti”nin yaradılması ilə bağlı 14 fələstinli qrupunun bağladığı razılaşmanı açıqlayıb.
O, həmçinin bildirib: “Bu iki günlük görüşün sonunda HƏMAS da milli birlik sazişini imzalayıb.”
Pekində müxtəlif fələstinli qruplar tərəfindən birgə bəyanatın imzalanmasından sonra Vanq Yi deyib: “Ən diqqətçəkən hadisə, müharibədən sonra Qəzzəni idarə etmək üçün Müvəqqəti Milli Birlik Hökumətinin yaradılması ilə bağlı razılaşmadır.”
Sizin rəyiniz