İran Xarici İşlər Nazirliyinin İsmayıl Həniyyənin şəhadəti ilə bağlı Bəyanatı

İran Xarici İşlər Nazirliyinin HƏMAS-ın Siyasi Ofisinin rəhbəri İsmayıl Həniyyənin terror edilməsi ilə bağlı yaydığı bəyanatında bildirilir: “2024-cü il iyulun 31-də çərşənbə günü səhər saatlarında HƏMAS-ın Siyasi Ofisinin rəhbəri, yorulmaz mücahid və Qüds şəhidi general-leytenant Hacı Qasım Süleymaninin qədim dostu, İran İslam Respublikasının seçilmiş Prezidentinin andiçmə mərasimində iştirak etmək üçün İran hökuməti və xalqının qonağı olan Fələstin müqavimətinin iftixarlı və cəsur liderlərindən olan Şeyx İsmayıl Həniyyə İsrail işğalçı düşmənin terror aktının hədəfi olub və şəhid olub.

Fələstin xalqı tərəfindən seçilmiş rəhbərlərindən biri və Fələstin xalqının öz müqəddəratını təyinetmə hüququ uğrunda qanuni mübarizəsinin liderlərindən biri kimi şəhid İsmayıl Həniyyənin terror edilməsi işğal olunmuş Fələstin torpaqlarına hakim kəsilmiş cinayətkar mafiyanın terrorçu mahiyyətinin daha bir sübutu, təcüvüzkarlıq və qanunları pozmaq xarakterinin digər əlamətidir.

Bu terror aktı təkcə beynəlxalq hüququn prinsip və qaydalarının və Birləşmiş Millətlər Təşkilatının Nizamnaməsinin kobud şəkildə pozulması deyil, həm də regional və beynəlxalq sülh və təhlükəsizliyə ciddi təhdiddir.

Cinayətkar İsrail rejiminin bu hərəkəti son bir neçə onillikdə digər ölkələrdə Fələstin müqavimət liderlərinə qarşı sui-qəsdlərin davamında baş verib, lakin bu rejimin şəhid Həniyyənin terror edilməsində yeni təcavüzkar və terror aktı, xüsusilə son 10 ayda Fələstin soyqırımı planının bir hissəsi və Qərbi Asiya regionunda təhlükəsizliyin artması istiqamətindədir.

İran İslam Respublikası Xarici İşlər Nazirliyi Fələstinlilərə qarşı işğalçılıq və soyqırımın davam etdirilməsində, bu mənfur terror aktının törədilməsində sionist rejimin himayədarı və ortağı kimi ABŞ hökumətinin məsuliyyətini vurğulayır.

İran İslam Respublikası yorulmaz mücahid Şeyx İsmayıl Həniyyənin terror edilməsində sionist rejimin təcavüzkar hərəkətini kəskin şəkildə pisləyir, öz suverenliyinə və ərazi bütövlüyünə qarşı bu təcavüzkar hərəkətə layiqli cavab vermək üçün əsas hüququnu vurğulayır, gözləntisi budur ki, beynəlxalq ölkələr və təşkilatlar Fələstin xalqının öz müqəddəratını təyinetmə hüququnu və işğala qarşı qanuni müqavimətini dəstəkləmək istiqamətində İsrail rejimini ciddi və təsirli şəkildə mühakiməyə çəkəcək, bu azğın rejimə qarşı lazımi qanuni və cəzalandırıcı tədbirlər görəcəklər.

İran İslam Respublikasının Xarici İşlər Nazirliyi bu böyük mücahidin və onun yoldaşının şəhadəti ilə bağlı Ali Məqamlı Rəhbər Ayətullah İmam Xamenei, İslam ümməti, qeyrətli Fələstin xalqı, Fələstin İslami Müqavimət Hərəkatı (HƏMAS) və o sevimli şəhidin ailəsi, Fələstin müqavimət qrupları və müqavimət oxunun bütün komponentləri, Fələstin ideyasını dəstəkləyən bütün dövlət və xalqlara və dünyanın azad insanlarına təbrik deyir və başsağlığı verir.