İran İslam Respublikasının Xarici İşlər naziri Seyid Abbas Əraqçi Qərbin ölkəmizə qarşı yeni sanksiyalar tətbiq etməsi ilə bağlı sualı cavablandırarkən deyib: “Təəccüblüdür ki, Qərb dövlətləri hələ də sanksiyaların uğursuz alət olduğunu və sanksiyalar vasitəsilə İrana öz gündəmlərini tətbiq edə bilmədiklərini anlamırlar.”
Xarici İşlər naziri əlavə edib: “Sanksiya həm nüvə müzakirələrində, həm də digər məsələlərdə uğursuz təcrübədir. Onların hələ də bu uğursuz təcrübəyə ümid etmələri və onun üzərində hərəkət etmələri məni təəccübləndirir.”
Əraqçi vurğulayıb: “İran İslam Respublikası öz yolunu güclü şəkildə davam etdirir. Baxmayaraq ki, biz həmişə danışıq tərəfdarı olmuşuq və mübahisəli məsələlərdə ümumi anlaşmaya nail olmaq üçün konstruktiv dialoqdan heç vaxt imtina etməmişik, amma dialoq təhdid və təzyiqə deyil, qarşılıqlı hörmətə əsaslanmalıdır.”
Diplomatik qurumun rəhbəri əlavə edib: “Sanksiyalar əməkdaşlıq vasitəsi deyil, təzyiq və qarşıdurma vasitəsidir və bu, praktikada işləməyən uğursuz alətdir.”
Sizin rəyiniz