Hazırda Nyu-Yorkda olan ölkəmizin Xarici İşlər naziri Seyid Abbas Əraqçi bu səfər zamanı keçirilən görüşlərlə bağlı televiziyanın üçüncü kanalına müsahibəsində deyib: “Prezidentin Nyu-Yorkdakı işinin hər iki günü çox izdihamlı və işgüzar keçdi, Prezidentin proqramında bir sıra müxtəlif gündəliklər oldu. Dünən Prezidentin sammitdə və gələcək iclas üçün çıxışı oldu. Bu gün onun BMT Baş Assambleyasında əsas çıxışı olacaq.”
Xarici İşlər naziri əlavə edib: “Ötən gün cənab Pezeşkiyan CNN-ə müsahibə verdi, bu gün “Al Jazeera English” telekanalına müsahibəsi var.
Amerikanın bəzi media rəhbərləri, Amerikada yaşayan xristian, yəhudi və müsəlmanlardan ibarət İbrahimi dinlərin nümayəndələri ilə görüşləri də gündəlikdə olub.”
Əraqçi əlavə edib ki, hazırda cənab Pezeşkiyanın Amerikada bəzi şiə alimləri ilə növbəti görüşü var. Bu proqramlarla yanaşı, ardıcıl olaraq ikitərəfli görüşlər keçirilir. Müxtəlif ölkələrin rəhbərləri ilə görüşüb. Məsələn, dünən İordaniya Kralı cənab Abdullah, İsveçrə və Finlandiya prezidentləri, Avropa Şurasının sədri ilə görüşlər oldu və təbii ki, digər görüşlər də xəbərlərdə və mediada öz əksini tapdı.
Xarici İşlər naziri deyib: “İstər cənab Pezeşkiyan, istərsə də mənim keçirdiyim bütün görüşlərdə sionist rejimin Qəzzəyə və indi də Livana hücumu ilə qarşılaşmağın zəruriliyi vurğulanıb. Həmçinin, bu hərəkətlərin nəticələri qarşı tərəfə xəbərdarlıq edilib. Nyu-York vaxtı ilə bu gün səhər saatlarında İtaliyanın Xarici İşlər naziri ilə görüşüm oldu. Ona bildirdim ki, bu müharibə Livanın cənubunda çox ciddi nəticələr verə bilər və bunun məsuliyyəti sionist rejimi dəstəkləyənlərin üzərinə düşür.”
Sizin rəyiniz