İran Prezidenti doktor Məsud Pezeşkiyanın yerli vaxtla çərşənbə günü səhər saatlarında bir qrup “Amerikalı yüksək mütəfəkkirlər” ilə görüşündə çıxışının ən mühüm məqamları bunlardır:
- İran İslam Respublikası gərginliyin və qarşıdurmanın artmasının qarşısını almaq üçün dözüm göstərdi, lakin sionist rejim öz vəhşiliyi və cinayətkarlığının zirvəsinə çatıb.
- Biz müharibə və münaqişə ardınca deyilik, amma bizə qarşı təzyiqlər, hərəkətlər hər gün güclənəndə və yayılanda, bəlkə də nəticə istəmədiyimiz bir şey ola bilər.
- Biz JCPOA-ya sadiq qaldıq, lakin JCPOA həyata keçirilərkən amerikalılar və qərblilər İranın nüvə obyektlərində təxribat törətmək və İranı öz öhdəliklərini pozmuş kimi göstərmək üçün MAQATE müfəttişləri ilə birlikdə İrana casuslar göndərdilər.
- Bu, amerikalıların üsuludur ki, hər hansı razılaşmadan sonra onu geriyə itələmək, addım-addım zəiflətmək üçün hər hansı bəhanə ilə qarşı tərəfin öhdəliklərinin yükünü artırmağa çalışırlar.
- Amerikalılar və sionistlər hər gün terror törədirlər, İŞİD kimi qruplar qurur və dəstəkləyirlər. İŞİD-lə kim döyüşdü və onu kim yaratdı?
- Bizim əsas yanaşmamız İranı qurmaq üçün bütün güc və imkanlarımızdan istifadə etməkdir. Bizim qonşularımızla və dünyanın digər ölkələri ilə heç bir problemimiz yoxdur.
- Bizim Fələstin xalqını müdafiə etməyimiz məzlumun zalım qarşısında dini müdafiəsidir.
- İran İslam Respublikası heç bir müharibəni rəsmi olaraq tanımır və biz əsasən hesab edirik ki, müharibə heç kimin marağında deyil.
- Ölkəmizin ehtiyaclarını ödəmək üçün bizimlə əməkdaşlıq etmək istəyən dövlətlərlə qarşılıqlı hörmət və maraqlar əsasında əlaqələrimizi genişləndirmişik.
- Biz inamsızlığı aradan qaldırmaq üçün dialoqu alqışlayırıq, lakin güc yükünün altına girməyəcəyik.
Sizin rəyiniz