Seyid Həsən Nəsrullahın terror edilməsindən sonra İran BMT Təhlükəsizlik Şurasının təcili iclasının keçirilməsini tələb edib

İran İslam Respublikasının BMT-dəki səfiri və daimi nümayəndəsi Əmir Səid İrvani yerli vaxtla şənbə günü BMT-nin baş katibi Antonio Quterreş və Təhlükəsizlik Şurasının sədri Samuel Zboqara ünvanladığı məktubda yazıb: İran İslam Respublikası bu qorxaq təcavüz hərəkətlərini ən sərt şəkildə pisləyir. İran İslam Respublikası bu hərəkətlərin regional və beynəlxalq sülh və təhlükəsizlik üçün ağır nəticələrini nəzərə alaraq, Təhlükəsizlik Şurasından İsrail rejiminin hərəkətlərini ciddilik və qətiyyətlə pisləməsini xahiş edir.