Məsud Pezeşkiyan bu gün, cümə axşamı, oktyabrın 24-də Rusiyanın Kazan şəhərində keçirilən BRİKS Plus Sammitindəki çıxışında prezidentlər, baş nazirlər və iclasın digər iştirakçılarına müraciət edərək deyib: “Ümid edirəm ki, yaradılmış bu qarşılıqlı düşüncə və fikir mübadiləsi mühiti vasitəsilə və bu sammit üçün seçilmiş gözəl başlığa, yəni “BRİKS və Qlobal Cənub; daha yaxşı dünyanın birgə qurulması”na əsaslanaraq kollektiv məmnunluğa söykənən daha yaxşı düzən və ədalətli münasibətlərin qurulması istiqamətində yeni bir addım ataq.”
Prezident koalisiyaçılıq və konstruktiv və dostluq münasibətləri yaratmaq səylərinin bugünkü reallığın tərkib hissəsi olduğunu və çoxlu sayda ölkənin və beynəlxalq aktorların təktərəflilik ab-havasından qurtulmaq istəyinin olduğunu bəyan edərək vurğulayıb: “Birtərəfli balansların əsasları və təkqütblü mərkəzlikdən yaranan tarazlıq son dərəcə zəifləmiş və sarsımışdır.”
Doktor Pezeşkiyan deyib: “BRİKS və BRİKS Plus şəffaf, ədalətli, inklüziv, ayrı-seçkiliyə yol verməyən və qlobal cənub və inkişaf etməkdə olan və az inkişaf etmiş ölkələrə xüsusi diqqət yetirməklə çoxtərəfli ticarət qaydalarına əsaslanan mexanizm hazırlamalı və həyata keçirməlidir. Qeyri-qanuni sanksiyalar beynəlxalq münasibətlərə dağıdıcı təsir göstərir, ölkələrin öz maliyyə resurslarına çıxışının qarşısını alır, iqlim dəyişikliyi, qlobal istiləşmə, ətraf mühitin məhv edilməsi, humanitar yardımların göstərilməsi kimi beynəlxalq əməkdaşlığa əsaslanan proseslərdə ölkələrin səmərəli roluna mənfi təsir göstərir.”
Prezident çıxışının davamında bildirib: “Yeni texnologiyalar, xüsusən də süni intellekt həyatımıza strateji və çox böyük təsir göstərəcək. Yaxın gələcəkdə təkqütblü ölkələr inkişaf etməkdə olan ölkələrin yeni texnologiyalara çıxışına qarşı bir çox məhdudiyyətlər qoyacaqlar. Bu məhdudiyyətləri aradan qaldırmaq üçün birlikdə çalışmalıyıq və birgə investisiya, təcrübə mübadiləsi və birgə əməkdaşlığın sürətləndirilməsindən başqa yol yoxdur.”
Sizin rəyiniz