İran Ordusunun baş komandanı: Hərbi Dəniz Qüvvələri dünyanın bir sıra dəniz qüvvələrinin inhisarını qırdı

General-mayor Seyid Əbdülrəhim Musəvi bazar ertəsi günü Hərbi Dəniz Qüvvələrinin Qərargahında olub, bu qüvvələrin komandanı admiral İrani ilə 27 noyabr Ordu Dəniz Qüvvələri Günü münasibətilə keçirilən görüşdə Dəniz Donanmasının dünyanın açıq sularında mövcudluğunun genişlənməsini təqdir etməklə yanaşı, milli maraqların qorunması üçün bu mövcudluğun gücləndirilməsinə çağırıb.
Ordu komandiri əlavə edib: “Hərbi Dəniz Qüvvələri Ali Baş Komandanın uzaqgörənliyi ilə İranın imkanlarını, müstəqilliyini və iqtidarını öz hüdudlarından kənarda nümayiş etdirdi və dünyanın bir sıra dəniz qüvvələrinin inhisarını qırdı.”
General-mayor Musəvi bu qüvvələrin elitaları və Müdafiə və Silahlı Qüvvələrə Dəstək Nazirliyi tərəfindən hər cür raket, pilotsuz uçan aparat və radarlarla təchiz edilmiş suüstü və sualtı gəmilərin dizaynını və istehsalını yüksək qiymətləndirərək, region və dünya ölkələri ilə dəniz diplomatiyası və qarşılıqlı əlaqələrinin genişləndirilməsini Hərbi Dəniz Qüvvələrinin dəyərli nailiyyətlərindən biri hesab edib, bu qüvvələrin yardım, təlim və məlumatlandırma missiyalarının davam etdirilməsini vurğulayıb.
Ordu komandanı terrorizmə qarşı mübarizədə yüzdən çox hərbi-dəniz dəstəsinin iştirakını, eləcə də onlarla təlimlərin, o cümlədən xilasetmə və təhlükəsizlik üzrə kombinə edilmiş təlimlərin keçirilməsini milli maraqları qorumaq üçün İslam ölkəsinin strateji dərinliyinin artırılmasına səbəb olduğunu, bu mövcudluğun müxtəlif və həssas sahələrdə gücləndirilməsini vurğulayıb.