Məsud Pezeşkiyan bu gün çərşənbə axşamı, axşam saatlarında Rusiyanın Xarici İşlər naziri Sergey Lavrovla görüşündə iki ölkə arasında əlaqələrin inkişafını diqqətə çatdırıb, razılaşmaların, xüsusilə də iki ölkə arasında Hərtərəfli Strateji Sazişin həyata keçirilməsi prosesinin sürətləndirilməsinin vacibliyini vurğulayaraq deyib: “İran və Rusiyanın bir-biri ilə əməkdaşlığı gücləndirmək üçün müvafiq imkanları var və biz Tehran və Moskva arasında qarşılıqlı əlaqələri gücləndirməkdə qərarlıyıq.”
Prezident iki ölkə arasında konstruktiv regional qarşılıqlı fəaliyyət prosesinin davam etdirilməsinin vacibliyini vurğulayaraq deyib: “İran və Rusiya regional məsələlərdə yaxın baxışlara malikdir və qarşılıqlı fəaliyyətləri kontekstində, həmçinin Şanxay Əməkdaşlıq Təşkilatı, Avrasiya İttifaqı və BRİKS kimi regional və beynəlxalq təşkilatlar vasitəsilə regional və beynəlxalq əməkdaşlığı gücləndirməyə çalışırlar.”
Rusiyanın Xarici İşlər naziri də görüş zamanı cənab Putinin səmimi salamlarını doktor Pezeşkiyana çatdıraraq bildirib: “Sizin sözlərinizlə razıyam. Biz əməkdaşlığın artmaqda olan tendensiyasını davam etdirmək və sürətləndirmək, eləcə də aramızda olan razılaşmaların, xüsusilə də iki ölkə arasında Hərtərəfli Strateji Sazişin həyata keçirilməsi üçün bütün səylərimizi göstərəcəyik.”
Sergey Lavrov İran İslam Respublikasının Avrasiya İqtisadi İttifaqına daxil olması prosesinin başa çatmasını iki ölkə arasında xüsusilə iqtisadi və ticarət sahələrində əlaqələrin gücləndirilməsində yeni və təsirli bir potensial kimi qiymətləndirərək deyib: “İran və Rusiya bir-biri ilə effektiv regional əməkdaşlığı davam etdirməkdə çoxlu ortaq maraqları var.”
Sizin rəyiniz