İslami: İranın nüvə proqramının məqsədləri şəffaf və sülhməramlıdır

İranın Atom Enerjisi Təşkilatının vitse-prezidenti və rəhbəri Məhəmməd İslami beynəlxalq Puqvaş təşkilatının üzvləri ilə görüşdən sonra bəyan edib ki, düşmənlər İranın nüvə faylına siyasi baxışla bizim inkişaf və tərəqqimizə mane olmağa çalışırlar. O deyib: “İranın nüvə texnologiyası, xüsusilə uranın zənginləşdirilməsi ilə bağlı elə bir mənzərə təqdim olunur ki, Tehran hərbi istifadəyə və nüvə silahına doğru hərəkət edə bilər ki, bu da qeyri-peşəkar və siyasidir”.

O, davam etdi: İran İslam Respublikası dəfələrlə bəyan edib ki, özünün müdafiə doktrinasında belə bir məsələ yoxdur və ümumiyyətlə nüvə silahına doğru irəliləməyib. Bütün bu illər ərzində təzyiqlərə, təhdidlərə baxmayaraq, bu baş verməyib.

İranın Atom Enerjisi Təşkilatının rəhbəri qeyd edib: Bizim imkanlarımız, proseslərimiz və hədəflərimiz şəffaf və sülhməramlıdır və İranın nüvə texnologiyası ölkənin ehtiyaclarını ödəməyə xidmət edir və Beynəlxalq Agentliyin daimi nəzarəti altındadır və heç bir ölkəyə İran kimi Agentlik tərəfindən nəzarət olunmur.

İslami bildirib: 2024-cü ildə Beynəlxalq Atom Enerjisi Agentliyi 450-dən çox yoxlama aparıb ki, bu da aparılan yoxlamaların təxminən 25 faizinin əslində İran obyektlərində olduğunu göstərir, halbuki bizim quraşdırılmış gücümüz dünyanın üç faizini təşkil edir.