Bu qatar, Çin’in "Yivu" şəhərindən 15 günlük səfərdən sonra İnçə Burun gömrüyü vasitəsilə ölkəmizə daxil olub. Yüklərin buraxılış əməliyyatı Aprin gömrüyünün xüsusi kodu ilə həyata keçiriləcək.
Mərasimdə Aprin qatarının gəlişi ilə bağlı İran İslam Respublikasının Dəmir Yolu Qurumunun müavini Mir Hüseyn Musəvi Dizci, İRNA müxbirinə bildirib ki, Aprin gömrüyünün açılması ölkənin beynəlxalq ticarətinin asanlaşmasına səbəb olacaq.
O, Çin istehsalı günəş panellərini daşıyan ikinci və üçüncü qatarların bu gün ölkəmizə daxil olduğunu qeyd edərək, Çinlə aparılan danışıqlar və Aprin quru limanındakı mövcud infrastruktura istinadən hər gün bir qatarın Çindən ölkəmizə daxil olacağına ümid etdiyini bildirib. Bu qatarlarda idxalat, ixrac və ya tranzit məsələləri həll ediləcək.
Musəvi əlavə edib ki, Çinlə aparılan danışıqlara uyğun olaraq, günəş panelləri yalnız dəmir yolu ilə və birbaşa ölkəmizə idxal ediləcək və enerji balansının pozulmasını aradan qaldırmaq üçün onları vaxtında ölkəyə gətirə biləcəyimizə ümid edirik.
O, həmçinin bildirib ki, yük daşıyan şirkətlərə (forvarder-lərə) uyğun cazibədar şərait yaradılması və mövcud infrastruktur sayəsində bu sahədə artım və inkişaf gözləyirik.
Dəmir Yolu Qurumunun müavini, həmçinin, Tehranda keçirilmiş İran, Çin, Türkiyə, Özbəkistan, Türkmənistan və Qazaxıstan nümayəndələrinin iştirak etdiyi altılıq görüşünə də toxunaraq, bu görüşdə aparılan danışıqların nəticəsi olaraq, ölkəmizdən Avropa İttifaqına doğru tranzitin inkişaf etdirilməsi üçün zəruri infrastrukturların yaradılacağına ümid etdiyini bildirib.
Sizin rəyiniz