Əraqçi: İranın 14-cü hökumətinin xarici siyasəti regional əməkdaşlığı gücləndirmək üzərində qurulub

İran İslam Respublikasının xarici işlər naziri Əraqçi Livanın Əl-Mənar kanalına eksklüziv müsahibəsində deyib: Beyruta səfər İranın Livanın yeni hökuməti ilə əlaqələrini gücləndirmək siyasəti çərçivəsində idi.

O əlavə edib: Bu görüşlər konstruktiv olub və iqtisadi-ticarət əməkdaşlığının genişləndirilməsi və siyasi koordinasiyanın artırılması üzrə razılaşmalara gətirib çıxarıb ki, bütün bunlar iki ölkənin suverenliyinə hörmət və bir-birinin daxili işlərinə qarışmamaq prinsipinə əsaslanır.

Əraqçi deyib: İranın Beyruta uçuşları ilə bağlı məsələ Livan rəsmiləri qarşısında qaldırılıb və İran hər hansı texniki və ya inzibati narahatlığı araşdırıb həll etməyə hazır olduğunu bəyan edib. Livanda bu məsələnin həlli və iki ölkə arasında birbaşa uçuşların bərpası üçün real iradə var.

İran İslam Respublikasının xarici işlər naziri Hizbullahın Livanın milli maraqları əsasında qərarlar verən müstəqil bir təşkilat olduğunu bildirərək əlavə edib: Müqavimət silahları məsələsi ilə bağlı qərar müqavimət və Livan qüvvələrinin məsuliyyətindədir və İranın siyasi dəstəyi heç bir şəkildə suveren qərarların qəbuluna müdaxilə mənasına gəlmir.

Əraqçi həmçinin vurğulayıb ki, İran uranın zənginləşdirilməsini öz alimlərinin ən mühüm nailiyyətlərindən biri hesab edir və bunu heç vaxt diqqətdən kənarda qoymayacaq. O, deyib: Uranın zənginləşdirilməsi tibbi və sənaye ehtiyaclarımızı ödəmək üçün vacibdir. Yerli istehsal edilən radioaktiv izotoplar hər il bir milyondan çox xəstəni müalicə etməyə kömək edir. Bəzi alimlərimiz bu nailiyyətin yolunda həyatlarını itiriblər və biz bu yoldan heç vaxt geri çəkilməyəcəyik.