Pakistanın əməliyyatını nəzərdən keçirmək üçün Prezidentin sədrliyi ilə Ali Milli Təhlükəsizlik Şurasının iki iclası keçirilib

Məlumatlı bir rəsmi bu cümə günü İRNA-nın müdafiə və təhlükəsizlik müxbiri ilə söhbətində İslam Respublikasının ölkənin şərqində həyata keçirdiyi antiterror əməliyyatları ilə bağlı hadisələrin yeni təfərrüatlarını açıqlayıb.

Məlumatlı mənbə, bu əməliyyata Pakistanın əks tədbirinə işarə edərək, cümə axşamı səhər saatlarında Ali Milli Təhlükəsizlik Şurasının təcili iclasının keçirildiyini bildirərək deyib: “Araşdırmalar göstərir ki, medialarda yayılan xəbərlərin əksinə olaraq, bu reaksiya İranın sərhəd divarında bir neçə kiçik partlayıcı pilotsuz təyyarə tərəfindən həyata keçirilib və İranın əməliyyatından fərqli olaraq, bu hadisədə sərhəd divarında yaşayan adi Pakistan vətəndaşları hədəfə alınıb.”

O, İslam İnqilabı Keşikçiləri Korpusunun çərşənbə gecəsi Ceyş əl-Ədl terror qruplaşması əleyhinə keçirdiyi antiterror əməliyyatına toxunaraq deyib: “Bu terror qruplaşması Pakistanın dərinliyindəki dağlarının yaşayış olmayan ərazilərində hərbi və təlim kazarmaları yaradıb. Əldə edilən məlumatlar bu qruplaşmanın İranın şərq bölgələrində böyük terror əməliyyatı planlaşdırdığı göstərirdi.”

Məlumatlı mənbə cümə axşamı səhər vaxtı və günortadan sonra Prezidentin sədrliyi ilə Ali Milli Təhlükəsizlik Şurasının iki iclasının keçirilməsinə toxunaraq əlavə edib: “İslam Respublikasının qəti siyasəti ölkənin milli təhlükəsizlik çərçivəsini bütün mümkün vasitələrlə qorumaqdır. Buna əsasən, gələcəkdə də bu qəbildən olan hər hansı hərəkətlərə və terror əməliyyatlarının hazırlanmasına icazə verilməyəcək.”