Əmir Abdullahiyan: Amerika və İngiltərənin Yəmənə hücumu müharibənin genişlənməsinə səbəb olur

İRNA-nın məlumatına görə, Hüseyn Əmir Abdullahiyan X sosial şəbəkəsində yazıb: “BMT Təhlükəsizlik Şurasının iclasında Fələstin və Qərbi Asiyada baş verən hadisələr haqda çıxışımda sionistlərin Qəzzada soyqırım və cinayətlərinin dayandırılması və bu bölgəyə dərhal yardım göndərilməsi üçün onun mühasirəsinin aradan qaldırılmasının zəruriliyini vurğuladım.”

Əmir Abdullahiyan çıxışında Fələstinin gələcəyi ilə bağlı əsas qərar verənlərin fələstinlilər olduğunu vurğuladığını qeyd edib.

Xarici İşlər naziri əlavə edib: “Bildirdim ki, Amerika və İngiltərənin Yəmənə qarşı hərbi təcavüzü yalnız müharibənin əhatə dairəsinin genişlənməsinə səbəb olan strateji səhvdir.”