Avropa İttifaqı HƏMAS və İslami Cihadın 3 hərbi qoluna da sanksiya tətbiq edib

Avropa İttifaqının cümə günü dərc etdiyi bəyanata görə, Fələstin İslami Cihadın hərbi qolu olan Səraya Əl-Qüds və Fələstin İslami Müqavimət Hərəkatının (HƏMAS) hərbi qolları sayılan Səraya İzzəddin Əl-Qəssam və seçilmiş qüvvələr, Aİ-nın sanksiyalar siyahısına əlavə edilib.

Bununla da Avropa İttifaqının sözdə insan hüquqlarına dair sanksiya adlanan siyahısı 104 fiziki və hüquqi şəxsə, o cümlədən bir neçə ölkədən 24 quruma çatıb.

Avropa İttifaqının bəyanatına görə, bu birliyə üzv olan ölkələrdə sanksiya tətbiq edilən qurumların aktivləri dondurulub, Avropa şirkətləri və vətəndaşlarına onlarla maliyyə əlaqələri qadağan edilib. Həmçinin bu təşkilatların üzvlərinin Aİ-na üzv dövlətlərə getmək hüququ yoxdur və onların bu ölkələrə girişi və ya keçidi qadağandır.

Avropa İttifaqının bəyanatında sionist rejimin Qəzzədəki vəhşi cinayətlərinə toxunmadan iddia edilir: Avropa Şurası 21-22 mart 2024-cü il tarixli bəyanatında HƏMAS-ı 7 oktyabr 2023-cü ildə İsrailə qarşı hücumlara görə ən sərt şəkildə qınadı və beynəlxalq hüquqa uyğun olaraq İsrailin özünü müdafiə etmək hüququnu tanıdı.