Həmzə Seyyidüş-şühəda Qərargahının qüvvələri terror qrupunu məhv etdi

Bəyanatda bildirilir: “SEPAH Quru Qoşunlarının Həmzə Seyyidüş-şühəda Qərargahının qüvvələrinin diqqətli müşahidəsi və kəşfiyyat məlumatları nəticəsində çərşənbə axşamı səhər saatlarında əks-inqilabçı terrorçu dəstə ölkənin şimal-qərb sərhədlərindən İran İslam Respublikasının ərazisinə daxil olmaq istəyərkən, bu Qərargahın qüvvələri tərəfindən pusquya salınıb və məhv edilib.”

Bəyanatda əlavə edilib: “Bu qarşıdurmada terrorçu dəstənin bir neçə üzvü öldürülüb və yaralanıb, onların avadanlıqları İslam Respublikası qüvvələri tərəfindən müsadirə edilib.”

Həmzə Seyyidüş-şühəda Qərargahının bildirişində qlobal imperializminin aparıcı ünsürlərinə bir daha xəbərdarlıq etməklə yanaşı vurğulanıb: “Bu Qərargahın qeyrətli qüvvələrinin sayıqlığı ilə İran İslam Respublikasının təhlükəsizliyi və ərazi bütövlüyünə qarşı ən kiçik addım belə qəti və möhkəm cavab ilə qarşılanacaq.”