İran İslam Respublikasının Xarici İşlər Nazirliyi sionist rejimin təcavüzkar hərəkəti ilə bağlı bu gün, şənbə günü oktyabrın 26-da günortadan sonra, bəyanat yayıb. Bu bəyanatın bir hissəsində deyilir:
İran İslam Respublikası Xarici İşlər Nazirliyi sionist rejimin İrandakı bir neçə hərbi mərkəzə qarşı təcavüzkar hərəkətini Beynəlxalq hüququn və Birləşmiş Millətlər Təşkilatının Nizamnaməsinin, xüsusən də ölkələrin ərazi bütövlüyü və milli suverenliyinə qarşı güc təhdidi və ya istifadənin qadağan edilməsi prinsipinin açıq şəkildə pozulması olduğunu bildirir və bunu ən sərt şəkildə pisləyir.
İran İslam Respublikasının səlahiyyətli orqanları tərəfindən dəfələrlə vurğulandığı kimi, İran İslam Respublikası Birləşmiş Millətlər Təşkilatının Nizamnaməsinin 51-ci maddəsində də öz əksini tapmış qanuni müdafiə hüququna əsaslanaraq, özünün xarici təcavüz aktlarından müdafiə etmək hüququ olduğuna və ona borclu hesab edir.
İran İslam Respublikası İran xalqının bütün maddi və mənəvi imkanlarından öz təhlükəsizliyini və həyati mənafelərini müdafiə etmək üçün istifadə etməyi, həmçinin regional sülh və təhlükəsizlik sahəsində öz vəzifələrini, bütün ölkələrin fərdi və kollektiv məsuliyyətini müdafiə etdiyini və bölgədə sülh və sabitliyi qoruyacağını vurğulayır. Mövcud təhlükəli şəraiti dərk edərək işğalçı İsrail rejiminin aqressiv hərəkətini pisləyən və öz nifrətini ifadə edən regionun bütün sülhsevər ölkələri və digər ölkələrin addımlarını yüksək qiymətləndirir.
Sizin rəyiniz