Sionist rejimin həbsxanalarında şəhid olan fələstinli məhbusların sayı 50 nəfərə çatıb

Əşrəf Məhəmməd Fəxri Əbd Əbu Vərdə adlı 51 yaşlı fələstinli məhbus işğal altındakı ərazilərdəki “Soruka” xəstəxanasında şəhid olub.

Əsirlər və Azad edilmişlərin işləri üzrə Assosiasiya və Fələstin Məhbuslar Klubu bəyanat yayaraq bildiriblər ki, bu fələstinli məhbus cümə günü Negev həbsxanasından Soroka xəstəxanasına köçürülmüşdü.

Fələstinli əsir və məhbusların hüquqlarını müdafiə edən bu iki təşkilatın bildirdiyinə görə, Əşrəf Əbu Vərdə 2023-cü il noyabrın 20-də sionist rejim tərəfindən əsir götürülüb. Əbu Vərdənin ailəsinin dediyinə görə, onun heç bir fiziki problemi olmayıb.

Məhbuslar və Azad edilənlər Assosiasiyası və Fələstin Məhbuslar Klubu bəyan edib ki, bu məhbusun şəhid olması ilə Qəzzə xalqına qarşı soyqırım müharibəsinin başlanmasından bu yana sionist rejim zindanlarında şəhid olan fələstinli əsir və məhbusların sayı 50 nəfərə çatıb. Bu, 1967-ci ildə hərbi əsir hərəkatının başlanmasından bəri ən yüksək rəqəmdir.