Üçüncü Xəzər İqtisadi Forumu bu gün Tehranda Rusiya, Türkmənistan, Qazaxıstan, Azərbaycan və xüsusi qonaq qismində Tacikistanın baş nazirləri və nazirlərinin iştirakı, regional əməkdaşlığın inkişafı məqsədi ilə Birinci vitse-prezident Məhəmmədrza Arifin evsahibliyi ilə işə başlayıb. Bu konfrans region ölkələri arasında ticarət və iqtisadi qarşılıqlı əlaqələri gücləndirmək məqsədi daşıyır və bu ölkələrin yüksək səviyyəli iqtisadi rəsmiləri arasında ikitərəfli və çoxtərəfli danışıqlar üçün platforma təmin edir.
Məhəmmədrza Arif çərşənbə axşamı Üçüncü Xəzər İqtisadi Konfransı üzvlərinin birgə iclasında vurğulayıb ki, Üçüncü Xəzər İqtisadi Forumunun keçirilməsi iqtisadi-ticarət əməkdaşlığının genişləndirilməsi istiqamətində mühüm addımdır. Bu forum həm də dövlət və özəl sektorların iştirakı və sahilyanı ölkələrin ticarət, sənaye və elmi sektorları arasında əməkdaşlıq üçün uyğun platforma yaradır.
Xəzər Sammitinin mexanizmlərinə “Liderlərin Zirvə Görüşü”, “Xarici İşlər Nazirlərinin Görüşü”, “Xüsusi Nümayəndələrin Görüşü”, “Xəzər İqtisadi Forumu” daxildir. Türkmənistanın təşəbbüsü ilə yaradılan iqtisadi forum Xəzəryanı ölkələrin: Rusiya, Türkmənistan, Qazaxıstan və Azərbaycanın baş nazirləri səviyyəsində keçirilir. Elan edilmiş proqramlara əsasən, Xəzər İqtisadi Konfransı nazirlər, nazir müavinləri, özəl sektorun digər nümayəndələri və iqtisadi fəalların iştirakı ilə 7 ixtisaslaşmış paneldən ibarət olaraq ticarət, sənaye və kənd təsərrüfatı əməkdaşlığının inkişaf perspektivlərini, iqtisadi, bank və gömrük əməkdaşlığının perspektivlərini, nəqliyyat və tranzit əməkdaşlığı, texniki və mühəndislik xidmətləri əməkdaşlığı, ətraf mühit, turizm və səhiyyə sahəsində əməkdaşlıq, enerji əməkdaşlığı, elmi-texniki əməkdaşlıq və özəl sektorda ticarət palataları arasında əməkdaşlığı ehtiva edir.
Xəzər İqtisadi Forumunun ən mühüm məqsədi bu region ölkələrində iri və birgə investisiya layihələrinin inkişafı üçün platforma yaratmaq elan edilmişdir. Hesablamalara görə, bu bölgədə 50 milyard barel neft və 9 trilyon kubmetr qaz var və 300 milyona yaxın insan yaşayır. Bu iqtisadi forumun müntəzəm keçirilməsi Qazaxıstanın Aktau şəhərində bu ölkələrin beşinci zirvə toplantısında beş Xəzəryanı dövlətin razılaşması əsasındadır. Onun məqsədi sahilyanı ölkələr arasında sənaye, ticarət, enerji, nəqliyyat və logistika, innovasiya, turizm, informasiya və beş ölkə üçün ortaq olan digər sahələrdə qarşılıqlı əlaqəni daha da gücləndirmək və inkişaf etdirməkdir. Başqa sözlə, Xəzər İqtisadi Forumu Beşinci Xəzər Sammitinin nəticələrinə birbaşa cavab kimi qiymətləndirilir, xüsusilə də müxtəlif sektorlarda, o cümlədən nəqliyyat və ticarətdə regional əməkdaşlığın təşviqinə xüsusi diqqət yetirilir.
Sizin rəyiniz