İRNA-nın məlumatına görə, xarici işlər naziri Hüseyn Əmir Abdullahiyan və Aİ-nin xarici əlaqələr və təhlükəsizlik siyasəti üzrə ali nümayəndəsi Cozep Borrell telefon danışığı zamanı bəzi maraq doğuran mövzular, o cümlədən Niger böhranı, Ukrayna müharibəsi, İran və Aİ münasibətləri, həmçinin sanksiyaların qaldırılmasını müzakirə edərək fikir mübadiləsi apardılar.
Xarici işlər naziri danışıqda İİR-in regional əlaqələrinin son vəziyyətinə toxunaraq, bu əlaqələrdəki prosesləri müsbət və irəliləyiş kimi qiymətləndirib.
Əmir Abdullahiyan daha sonra ölkəmizin BAEA ilə qarşılıqlı fəaliyyətindən söz açıb və bununla bağlı deyib: İndi hər iki tərəf əməkdaşlıq yolundadır.
Aİ-nin səmərəsiz sanksiyalar siyasətinin davam etdirilməsindəki qeyri-konstruktiv yanaşmasını tənqid edən ölkə diplomatiyasının rəhbəri qeyd edib: Sanksiyalar İİR ilə Avropa arasında münasibətlərdə qeyri-dost tədbirdir. Bilin ki, bu vəziyyətin davam etməsi Avropanın xeyrinə deyil.
Xarici işlər naziri söhbətində Nigerdəki mövcud böhranla bağlı narahatlığını ifadə edərək dedi: Biz bu ölkədə baş verənləri diqqətlə izləyir, Nigerdə qanunun aliliyinin vacibliyini vurğulayır və əlbəttə ki, istənilən hərbi müdaxilədən çəkinilməsini istəyirik. Bununla yanaşı, biz Nigerə qoyulan embarqonu insanların problemlərinin kəskinləşməsi amili hesab edirik.
Əmir Abdullahyan Ukraynadakı hadisələrlə bağlı deyib: İİR-in öz xarici siyasətlərində heç bir tərəflə kompleksi yoxdur. Fələstini dəstəklədiyini açıq şəkildə bəyan etdiyi kimi, Ukraynada həll yolunun da siyasi olduğunu açıq şəkildə bəyan edir. İran PUA-larının Ukraynaya qarşı istifadəsi ittihamı tamamilə əsassızdır. Ukrayna bu iddia ilə bağlı bizə heç bir mötəbər sənəd təqdim etməyib.
Aİ-nin xarici əlaqələr və təhlükəsizlik siyasəti üzrə ali nümayəndəsi də İİR ilə region ölkələri arasında əlaqələrdə əldə olunan irəliləyişdən məmnunluğunu ifadə edib.
Cozep Borrel ABŞ ilə dolayı yolla razılaşmanın bu mərhələsində əldə edilən nəticələrə toxunaraq deyib: İran və Avropa arasında bəzi anlaşılmazlıqların dialoq yolu ilə həll oluna biləcəyinə inanıram.
O, İİR ilə BAEA arasında əməkdaşlığın əhəmiyyətini vurğulayaraq əlavə edib: Mən vurğulamaq istərdim ki, danışıqların davam etdirilməsi və son nəticədə bütün tərəflərin Birgə Hərtərəfli Fəaliyyət Planına (JCPOA) qaytarılması üçün bütün səylərimi göstərəcəyəm və nəticəyə nikbin baxıram.
Borrell Nigerdəki hadisələrə toxunaraq əlavə edib: Biz də həmişə Fələstinin hüquqlarını müdafiə edirik.
Sizin rəyiniz